சுவிஸ்குமாரை அனுப்பிவைக்குமாறு சிரேஷ்ட பொலிஸ் மா அதிபர் கூறினாராம்!!! - Yazhpanam

புதன், 19 ஜூலை, 2017

சுவிஸ்குமாரை அனுப்பிவைக்குமாறு சிரேஷ்ட பொலிஸ் மா அதிபர் கூறினாராம்!!!

வித்தியா பாலியல் வல்லுறவு படுகொலை வழக்கில் முன்னாள் சிரேஷ்ட பொலிஸ் அத்தியட்சர் லக்ஸ்மன் வீரசேகர சாட்சியம்
சுவிஸ்­கு­மாரை கைது­செய்து வந்த உப பொலிஸ் பரி­சோ­தகர் சிறி­க­ஜ­னிடம் அவரை யாழ்.பொலிஸ் நிலை­யத்தில் முற்­ப­டுத்­து­மாறு நான் கூறி­ய­போது, இந்த நப­ருக்கு எதிராக சாட்­சி­யங்கள் எதுவும் இல்லை. அவ்­வாறு  சாட்­சி­யங்கள் இல்­லாத நிலையில் அவரை சந்­தே­கத்தின் அடிப்­ப­டை­யிலும் கூட பொலிஸ்  
நிலை­யத்தில் முற்­ப­டுத்த முடி­யாது என்று உப பொலிஸ் பரி­சோ­தகர்
சிறி­கஜன் என்­னிடம் கூறினார் என்று புங்­கு­டு­தீவு மாணவி சிவ­லோ­க­நாதன் வித்­தி­யாவின் கூட்­டுப்­பா­லியல் வல்­லு­றவு படு­கொலை வழக்கின் 31 ஆவது சாட்­சி­யான ஓய்­வு­பெற்ற சிரேஷ்ட பொலிஸ் அத்­தி­யட்­சகர் லக்ஸ்மன் வீர­சே­கர ட்ரயல் அட்பார் நீதி­மன்றில் சாட்­சி­ம­ளித்தார்.
பின்னர் இது­தொ­டர்­பாக நான் யாழ்.மாவட்ட பிரதிப் பொலிஸ்மா அதி­ப­ருடன் பேசி­ய­போது சுவிஸ் நாட்டைச் சேர்ந்­த­வ­ருக்கு காயங்கள் ஏதும் இருக்­கு­மானால் அது தொடர்­பாக விரி­வான வாக்­கு­மூலம் பெற்று அவரை அனுப்பி வைக்­கு­மாறு தன்­னிடம் வட­மா­காண சிரேஷ்ட பிரதிப் பொலிஸ்மா அதிபர் லலித் ஜய­சிங்க கூறி­ய­தாக பிரதிப் பொலிஸ்மா அதிபர் ஜி.கே.பெரேரா என்­னிடம் கூறினார்.
மேலும் 2015.05.19 அன்று புங்­கு­டு­தீவில் இடம்­பெற்ற கூட்­டத்தில் சுவிஸ்­கு­மாரை விடு­வித்து விட்­ட­தாக மக்கள் சத்­த­மிட்­ட­போது அவ­ருக்கு எதி­ராக சாட்­சி­யங்கள் இல்லை எனவும் அதனை நீங்கள் வழங்­கினால் அவரை மீண்டும் கைது­செய்­யலாம் என வட­மா­காண சிரேஷ்ட பிரதிப் பொலிஸ்மா அதிபர் லலித் ஜய­சிங்க கூறினார். இதன் போது அங்­கி­ருந்த முன்னாள் பாரா­ளு­மன்ற உறுப்­பினர் மகேஸ்­வ­ரனின் சகோ­தரன் என அறி­யப்­பட்ட ஒருவர், தாம் சாட்­சியம் வழங்­கு­வ­தாக கூறி­யி­ருந்தார் எனவும் ஓய்­வு­பெற்ற சிரேஷ்ட பொலிஸ் அத்­தி­யட்­சகர் லக்ஸ்மன் வீர­சே­கர தெரிவித்தார்.
 புங்­கு­டு­தீவு மாணவி வித்­தி­யாவின் கூட்டுப் பாலியல் வல்­லு­றவு படு­கொலை வழக்­கா­னது யாழ்ப்­பாணம் மேல் நீதி­மன்றில் அமைக்­கப்­பட்­டுள்ள மூன்று தமிழ்­மொழி பேசும் மேல் நீதி­மன்ற நீதி­ப­தி­க­ளான பாலேந்­திரன் சசி­ம­கேந்­திரன் தலை­மை­யி­லான அன்­ன­லிங்கம் பிரே­ம­சங்கர், மாணிக்­க­வா­சகர் இளஞ்­செ­ழியன் ஆகியோர் அடங்­கிய ட்ரயல் அட்பார் நீதி­மன்றில் தொடர் விசா­ர­ணை­யாக இடம்­பெற்று வரு­கின்­றது.
நேற்­றைய விசா­ர­ணையில் ஏழா­வது நாளாக சாட்சிப் பதி­விற்­காக மன்று கூடி­யி­ருந்­த­போது இவ் வழக்கில் 31 ஆவது சாட்­சியின் பதி­வுகள் ஆரம்­ப­மா­கி­யி­ருந்­தது. இச் சாட்சியத்தை அரச சட்டவாதி நாகரட்ணம் நிஷாந்துடனும் ஏனைய அரச சட்டவாதிகள் குழுவினருடன் சட்டமா அதிபர் திணைக்கள பிரதி சொலிசிட்டர் ஜெனரல் குமார் ரட்ணம் நெறிப்படுப்படுத்தினார்.

" });

Banking News

தொடர்பு படிவம்

பெயர்

மின்னஞ்சல் *

செய்தி *

Post Top

Your Ad Spot