தமிழர் தலைவிதி தமிழர் கையில்! பொதுவாக்கெடுப்புக்கான மக்கள் இயக்கம் பிரதமர் வி.உருத்திரகுமாரன் புத்தாண்டுச் செய்தி !!! - Yazhpanam

Yazhpanam

Tamil News, Jaffna News, jaffnaradio, thamizh news, jaffna, killinochi, vavuniya, Colombo, Batticaloa, Trincomalee, North, east, west, south, tamilnews, yazhpanam, Jaffna TV, jaffnatv

Home Top Ad

Post Top Ad

Your Ad Spot

Wednesday, January 3, 2018

தமிழர் தலைவிதி தமிழர் கையில்! பொதுவாக்கெடுப்புக்கான மக்கள் இயக்கம் பிரதமர் வி.உருத்திரகுமாரன் புத்தாண்டுச் செய்தி !!!


மலர்ந்திருக்கும் புத்தாண்டில் ஈழத்தமிழ் மக்களின் அரசியற் செயல்வழிப்பாதையாக தமிழ்மக்களின் அரசியற் தலைவிதியைத் தமிழ்மக்களே தீர்மானிக்கும் வகையில் «தமிழர் தலைவிதி தமிழர் கையில்! பொதுவாக்கெடுப்புக்கான மக்கள் இயக்கம்» எனும் செயல்முனைப்பினை தனது புத்தாண்டுச் செய்தியில் நாடுகடந்த தமிழீழ அரசாங்கத்தின் பிரதமர் வி.உருத்திரகுமாரன் Rudra அவர்கள் தெரிவித்துள்ளார்.

தமிழீழத் தனியரசு உள்ளடங்கலான அரசியற்தீர்வு குறித்து தாயகத்திலும், ஈழத் தமிழ் மக்கள் புலம் பெயர்ந்து வாழும் நாடுகளிலும் பொதுவாக்கெடுப்பு நடத்தப்பட வேண்டும் என்ற கோரிக்கையினை நாடுகடந்த தமிழீழ அரசாங்கம் இப்புத்தாண்டில் இன்னும் முனைப்பாக முன்னெடுக்கவுள்ளது என்றும் இச்செயல்முனைப்பில் அனைத்து தமிழ்மக்களும் அனைத்து தமிழர் அமைப்புக்களும் அணிதிரள வேண்டும் எனவும் பிரதமர் வி.உருத்திரகுமாரன் அறைகூவல் விடுத்துள்ளார்.
மேலும் இறுக்கமான பௌத்த பேரினவாத சிங்கள கட்டமைப்பினால் தீர்மானிக்கப்படும் அரசியல்; ஏற்பாடுகளைத் தமிழர் தேசத்தி;ன்மீது திணிக்கும் அரசியற் பொறிமுறையினை நாம் ஏற்றுக் கொள்ள முடியாது எனத் தெரிவித்தள்ள பிரதமர் வி.உருத்திரகுமாரன், இது சிங்கள தேசத்;தின் மேலாண்மையினை நாம் ஏற்றுக் கொண்டதாக அரசியல்ரீதியில் அர்த்தப்படுத்தப்படும். தமிழ்த் தேசியக் கூட்டமைப்பின் முக்கிய தலைவர்கள் சிலர் «இதுதான் யதார்த்தம்» என்று தமது செயற்பாடுகளை நியாயப்படுத்தி தமிழர் தேசம் சிங்;கள தேசத்திடம் நிரந்தரமாக அடிமைப்பட்டுப்போகும் நிலையினை உருவாக்கி விடுவார்களோ என்ற அச்சம் எமக்கு உண்டு எனவும் அவர் தெரிவித்துள்ளார்.
நாடுகடந்த தமிழீழ அரசாங்கத்தின் பிரதம் வி.உருத்திரகுமாரன் அவர்களது புத்தாண்டு அறிக்கையின் முழுவிபரம் :
தமிழ் மக்கள் தமது அரசியற்தலைவிதியை தாமே தீர்மானிக்க வேண்டும்!
மலரும் 2018 ஆம் ஆண்டை நம்பிக்கையுடன் வரவேற்பதுடன், ஈழத் தமிழர் தாயகத்திலும் அனைத்துலகிலும் வாழும் தமிழ் மக்களுக்கும், உலகமெங்கும் தமது உரிமைகளுக்காகப் போராடும் ஒடுக்கப்படும் மக்களுக்கும் எனது புத்தாண்டு வாழ்த்தினைத் தெரிவித்துக் கொள்கிறேன்.
இப் புத்தாண்டில் ஈழத் தமிழர் தேசம் தனது அரசியல் நிகழ்ச்சிநிரலை தானே தீர்மானிக்கும் வகையில் வியூகம் அமைத்து செயற்படுதல் அவசியமானதாகும். சிறிலங்கா ஆட்சியாளர்களதும், அனைத்துலக அரசுகளதும் நிகழ்ச்சிநிரலுக்கு உட்பட்டு எதிர்வினையாற்றுவதற்குப் பதிலாக, எமக்கான அரசியல் அரங்கை நாம் எவ்வாறு அமைத்துக் கொள்ளலாம் என்பது குறித்து நாம் ஆழமாகச் சிந்தித்துச் செயலாற்ற வேண்டியதொரு காலகட்டத்தில் இருக்கிறோம்.
கடந்து சென்ற 2017 ஆம் ஆண்டு சிறிலங்கா ஆட்சியாளர்களின் பொய்முகத்தை மேலும் அம்பலப்படுத்தியிருக்கிறது. இருந்த போதும் சிறிலங்கா அரசைப் பாதுகாக்கும் அனைத்துலக அரசுகளின் முயற்சி தொடர்ந்த வண்ணந்தான் இருக்கிறது. புவிசார் அரசியல் சார்ந்து கேந்திர முக்கியத்துவம் வாய்ந்த இலங்கைத்தீவில் தமக்குச் சார்பான ஆட்சி நிலைத்திருக்க வேண்டும் என உலகின் பலமிக்க அரசுகள் விரும்புகின்றன. இலங்கைத்தீவில் சிங்கள தேசத்தின் அதிகாரமையத்துக்குட்பட்டிருக்கும் சிறிலங்கா அரசைத் தாங்கிப் பிடிப்பது தமது பூகோள அரசியலுக்கு முக்கியமானது என இந்த அரசுகள் எண்ணுகின்றன. கடந்து சென்ற 2017 ஆம் ஆண்டில் ஐக்கிய நாடுகள் மனித உரிமைப் பேரவையில் சிறிலங்கா அரசுக்கு மேலும் இரண்டு ஆண்டுகள் காலஅவகாசம் வழங்கப்பட்டமையினை இந்த அரசியற்பின்னணியுடன்தான் நாம் புரிந்து கொள்ள வேண்டும்.
இவ்வாறு சிறிலங்கா அரசினைப் பாதுகாத்து நிற்பது தமிழ் மக்களை இனவழிப்புக்குள்ளாக்கும் இனவாத அரசைப் பாதுகாக்கும் செயல் என்பது குறித்து இந்த அரசுகளுக்கு கவலையேதும் இல்லை. நலன்களின்பாற்பட்டு இயங்குவதுதான் அரசியற்தர்மம் என்ற சமன்பாட்டை இவ் அரசுகள் பின்பற்றும்போது உலகில் ஒடுக்;கப்பட்ட மக்கள், அரசற்ற சிறிய தேசிய இனங்கள் தமது அரசியற்கனவுகளை, அரசியற்பெருவிருப்புகளை, தமது அரசியல் தலைவிதியைத் தாமே தீர்மானிப்பதற்கான வழிவகைகள் குறித்து சிந்திக்க வேண்டியவர்களாக உள்ளனர். இதற்காக வியூகம் அமைத்து செயற்பட வேண்டியவர்களாக உள்ளார்கள். 2017 ஆம் ஆண்டில் குர்திஸ்தானிலும் கத்தலோனியாவிலும் நடைபெற்ற தனிநாட்டுக்கான பொதுவாக்கெடுப்புகளை நாம் இவ்வாறுதான் புரிந்து கொள்ள முடியும்.
தமிழீழ மக்களும் 2018 ஆம் ஆண்டில் பலமிக்க அரசுகளாலும் சிறிலங்கா அரசாலும் ஏற்கனவே வகுக்கப்பட்ட அரசியற்திட்டங்களுக்கு எதிர்வினையாற்றிக் கொண்டிராமல் எமக்கான அரசியற்திட்டத்தை நாமே முன்னோக்கி நகர்த்த வேண்டியது அவசியமானதாகும். அரசுகளின் ஆதரவு இல்லாமல் நாம் எவ்வாறு எமது திட்டத்தில் வெற்றியடைய முடியும் என்ற கேள்வி இவ்விடத்தில் பலருக்கும் எழலாம். மாறிவரும் தற்போதைய உலகஒழுங்கிலும், அனைத்துலக சட்டங்களிலும், நாடற்ற இனங்களாலும், அமைப்புக்களாலும் மாற்றங்களை ஏற்படுத்தக் கூடிய அரசியல் சட்ட வெளிகள் இருப்பதனை நாம் சுட்டிக்காட்ட விரும்புகின்றோம்.
அரசுகளின் விருப்பத்தை வெறுமனே நிறைவேற்றும் சேவகர்களாகத் தமிழ் மக்கள் இருக்க முடியாது என்பதே எமது நிலைப்பாடாகும். தமிழ் மக்களின் நலன்களையும் அரசுகளின் நலன்களையும் ஒரேகோட்டில் இணைய வைக்கக்கூடிய வழிவகைகள் குறித்து நாம் சிந்திக்க முடியுமே தவிர அரசுகளின் நலன்கைள நிறைவேற்றிக் கொடுக்கும் எடுப்பார் கைப்பிள்ளைகளாக தமிழ்மக்கள் இருக்க முடியாது.
இப் புதிய ஆண்டில் நாம் முன்னிறுத்த வேண்டிய முக்கியமான நிலைப்பாடாக எமது அரசியற் தலைவிதியியை நாமே தீர்மானிக்கும் உரிமையினை வலியுறுத்தல் அமைகிறது. தமிழ் மக்களின் தேசியப்பிரச்சினைக்கான எந்தவொரு அரசியற்தீர்வும் தமிழ் மக்களால் தீர்மானிக்கப்படுதல் முக்கியமானது. இது தமிழீழ மக்கள் ஒரு தேசம் என்ற நிலைப்பாட்டின்பாற்பட்ட அடிப்படையான உரிமையாகும். தமிழீழ மக்களது தேசிய இனப்பிரச்சினைக்கான எத்தகைய தீர்வும் இனப்படுகொலையிலிருந்த தமிழர் தேசத்தைப் பாதுகாக்கக்கூடியவகையில், தமிழ் மக்களுக்கான ஈடுசெய்நீதியின் அடிப்படையில் எட்டப்பட வேண்டும் என்பது மிகவும் முக்கியமானதாகும். முள்ளிவாய்க்கால் தமிழின அழிப்பு தமிழீழ மக்களுக்கு ஈடுசெய்நீதியின் அடிப்படையிலான அரசியற்தீர்வு அவசியம் என்பதனை வலியுறுத்துகிறது.
இறுக்கமான பௌத்த பேரினவாத சிங்கள கட்டமைப்பினால் தீர்மானிக்கப்;படும் அரசியல்; ஏற்பாடுகளைத் தமிழர் தேசத்தி;ன்மீது திணிக்கும் அரசியற் பொறிமுறையினை நாம் ஏற்றுக் கொள்ள முடியாது. இது சிங்கள தேசத்;தின் மேலாண்மையினை நாம் ஏற்றுக் கொண்டதாக அரசியல்ரீதியில் அர்த்தப்படுத்தப்படும். தமிழ்த் தேசியக் கூட்டமைப்பின் முக்கிய தலைவர்கள் சிலர் «இதுதான் யதார்த்தம்» என்று தமது செயற்பாடுகளை நியாயப்படுத்தி தமிழர் தேசம் சிங்;கள தேசத்திடம் நிரந்தரமாக அடிமைப்பட்டுப்போகும் நிலையினை உருவாக்கி விடுவார்களோ என்ற அச்சம் எமக்கு உண்டு.
ஒரு பிழையான அரசியல் ஏற்பாட்டுக்கு என்ன காரணத்துக்காகவேனும் தமிழ் மக்கள் சம்மதம் தெரிவித்தால் அதில் இருந்து மீளுவது தற்போதய அரசியல் ஒழுங்கில் இலகுவாக இருக்காது. சிறிலங்காவின் புதிய அரசியல்யாப்பு உருவாக்கப்படும் பட்சத்தில் அதனைத் தமிழ் மக்களிடம் திணிக்கும் முயற்சிகளுக்குத் தமிழ்த் தலைவர்கள் எவரும் துணைபோவார்களாக இருப்பின் ஒரு பிழையான அரசியல் ஏற்பாட்டைத் தமிழ் மக்கள் மத்தியில் திணித்து அடிமைச்சாசனம் எழுதினார்கள் என்ற வரலாற்றுப் பழிச்சொல்லுக்கு ஆளாவார்கள் என்பதனை இப்போதே பதிவு செய்ய விரும்புகிறோம். சிறிலங்காவின் புதிய அரசியல்யாப்புத் தொடர்பாக வெளிவந்த இடைக்கால அறிக்கை சிங்கள தேசத்தின் ஆதிக்கத்தின் கீழ் தமிழ் மக்களின் அரசியல் உரிமைகளை வென்றெடுக்க முடியாது என்பதனை மீண்டுமொருமுறை தெளிவாக வெளிப்படுத்தியிருக்கிறது. தமிழ் மக்கள் இவ் விடயத்தில் தொலைநோக்குப்பார்வையுடன் தெளிவான முடிவை எடுப்பார்கள் என்ற நம்பிக்கை எமக்கு உண்டு.
தமிழ் மக்களின் அரசியற்தலைவிதியைத் தமிழ் மக்களே தீர்மானிக்கும் வகையில் தமிழீழத் தனியரசு உள்ளடங்கலான அரசியற்தீர்வு குறித்து தாயகத்திலும், ஈழத் தமிழ் மக்கள் புலம் பெயர்ந்து வாழும் நாடுகளிலும் பொதுவாக்கெடுப்பு நடத்தப்பட வேண்டும் என்ற கோரிக்கையினை நாடுகடந்த தமிழீழ அரசாங்கம் இப் புத்தாண்டில் முனைப்பாக முன்னெடுக்கவுள்ளது. இதற்காக «தமிழர் தலைவிதி தமிழர் கையில்! - பொதுவாக்கெடுப்புக்கான மக்கள் இயக்கம்» எனும் மக்கள் அமைப்பினை நாம் உருவாக்கியுள்ளோம். இவ் அமைப்பின் தலைமை நிறைவேற்றுச் செயலகம் கனடாவில் நிறுவப்பட்டுள்ளதென்பதனையும், இச் செயலகத்தின் தலைமை நிறைவேற்றுச் செயலாளராக திரு நிமால் விநாயகமூர்த்தி செயற்படுவார் என்பதனையும் நாம் மக்களுக்கு அறியத் தருகிறோம்.
இப் புத்தாண்டின் முதற் திகதியிலிருந்து (01.01.2018) தனது பணிகளை ஆரம்பிக்கும் இத் தலைமை நிறைவேற்றுச் செயலகம் அனைத்துலகரீதியாக இம் மக்கள் இயக்கத்தின் செயற்பாடுகளை ஒருங்கிணைத்துச் செயற்படும். இம் மக்கள் இயக்கத்தோடு இணைந்து செயற்பட முன்வருமாறு நாம் அனைத்து மக்கள் அமைப்புகளையும் தோழமையுடன் அழைக்கிறோம்.
இம் மக்கள் இயக்கத்துடனான தொடர்புகளுக்குரிய தொலைபேசி இலக்கமாக+1 416 751 8483, Ext. 2
மின்னஞ்சல் முகவரியாக referendum@tgte.org ஆகியன இருக்கும் என்பதனையும் மக்களுக்கு அறியத் தருகிறோம்.
பொறுப்புக்கூறல் விடயத்திலும் ஏற்கனவே நாம் குறிப்பிட்டது போல், கடந்தாண்டு தமிழ்மக்களாலும், மனித உரிமை அமைப்புக்களாலும் முன்வைக்கப்பட்ட கோரிக்கைக்கு முரணாக சிறிலங்காவுக்கு மேலதிகமாக இரண்டு ஆண்டுகால அவகாசம் வழங்கப்பட்டது. இவ்விடயத்தில் சிறிலங்கா அரசாங்கம் இதுவரை எந்தவிதமான காத்திரமான நடவடிக்கைகளையும் முன்னெடுக்கவில்லை. வெறுமன பார்வையாளர்களாக நாம் இதனை அவதானித்துக் கொண்டு இருக்கப் போவதில்லை.
ஐ.நா மனித உரிமைச்சபை ஆணையாளரினால் அண்மைக்காலங்களில் குறித்துரைக்கபட்ட விடயமமாகவும், பாதிக்கப்பட்டோருக்கான நீதிகோரும் மாற்றுவழிகள் எனும் தலைப்பில் கடந்த ஆண்டு பொறுப்புக்கூறல் கண்காணிப்புக் குழுவினால் வெளியிடப்பட்ட கையேட்டில் குறிப்பிடப்பட்டது போலவும், உலகளாவிய நியாயாதிக்கத்தின் கீழ் (universal jurisdiction) பல்வேறு நாடுகளில் வழங்குகளை தொடரும் முனைப்பிலும் நாடுகடந்த தமிழீழ அரசாங்கம் ஈடுபட்டுள்ளது.
மேலும் பல்வேறு நாடுகளில் இருக்கும் பொறுப்புகூறல் சட்டங்களின் கீழ்(Magnitsky style law - sanction) ரொகிங்கியப் படுகொலைகள் தொடர்பாக மியான்மார் நாட்டு அரசு மற்றும் இராணுவ தலைர்களுக்கு எதிராக கொண்டுவரப்பட்டுள்ள பயணத்தடை மற்றும் சொத்து முடக்கம் போன்றவை போல், சிறிலங்காவின் அரச மற்றும் இராணுவ தலைவர்களுக்கு எதிராக கொண்டு வரும் முனைப்பிலும் நாடுகடந்த தமிழீழ அரசாங்கம் ஈடுபடும். இச்செயல்முனைப்பில் கூட்டாக பணியாற்றுவதற்கு அமெரிக்காவில் இடம்பெற்றிருந்த மூலோபாய கூட்டத்தில் பங்கெடுத்திருந்த பல புலம்பெயர் அமைப்புகள் முன்வந்துள்ளன என்ற செய்தியினையையும் இவ்வேளை தங்களுக்கு மகிழ்வோடு அறியத்தருகின்றேன்.
தாயகத்தில் தமிழ் மக்கள் மேற்கோள்ளும் அரசியல்தீதியான போராட்டங்கள்; மலரும் புத்தாண்டில் மேலும வளர்த்தெடுக்கப்படவேண்டியதும் அவசியமானதாகும். தாயகத்தில் நடைபெறும் அரசியற்போராட்டங்களுக்கும், தாய்மார்களால் ஓய்வின்றி முன்னெடுக்கப்படும் தொடர் போராட்டங்களுக்கும் துணையாக எமது தோழமைப் போராட்டங்களை ; புலம் பெயர் நாடுகளில் தொடர்ந்தும் நாடுகடந்த தமிழீழ அரசாங்கமமுன்னெடுக்கும். இப் புத்தாண்டில் தமிழ் மக்களின் தேசிய விடுதலைப் போராட்டம் முன்னோக்கிப் பயணிக்கும் என்ற நம்பிக்கையுடன் நமது பணிகளை நாம் தொடர்வோமாக!
நன்றிஇ தமிழர்களின் தாகம் தமிழீழத் தாயகம் இவ்வாறு பிரதம் வி.உருத்திரகுமாரன் அவர்களது புத்தாண்டுச் செய்தியில் தெரிவிக்கப்பட்டுள்ளது.

No comments:

Post a Comment

இங்கு கூறப்படும் கருத்துக்களுக்கு எவ்வகையிலும் நிர்வாகம் பொறுப்பாகாது,
www.Yazhpanam.com

யாழ் நூலக எரிப்பு நினைவு தினம்: "தமிழ் இன அழிப்பின் அடையாளமே யாழ் நூலக எரிப்பு"

தெற்காசியாவின் அறிவுக் களஞ்சியமாக போற்றப்பட்ட யாழ்பொது நூலகம் எரிக்கப்பட்டு இன்றுடன் (வெள்ளிக்கிழமை)37 ஆண்டுகள் கடந்தாலும் தமிழ் மக்கள் மத்தியில் அத்துயர சம்பவம் ஏற்படுத்திய வடு இந்த கணம்வரை மாறாது உள்ளது.

யாழ் நூலகம்

ஜே.ஆர்.ஜெயவர்தனவின் ஐக்கிய தேசிய கட்சியின் அரசாங்கத்தின் ஆட்சி காலத்தில் திட்டமிட்டு நடத்தப்பட்ட இச் சம்பவமானது தமிழ் மக்களின் அடையாம், அறிவு மற்றும் பண்பாடு போன்றவற்றை இல்லாதொழிக்கும் தமிழ் இன அழிப்பின் ஒரு அடையாளமாகவே தமிழ் மக்கள் இன்றும் பார்க்கின்றார்கள்.

இந்நூலக அழிப்பின் போது பல நூற்றாண்டு பழமைவாய்ந்த தமிழ், ஆங்கில நூல்களும் மற்றும் ஓலைச்சுவடிகளும் அழிந்து போயின.

அழிந்த புத்தகங்கள் எவை?

இவற்றில் கிடைப்பதற்கு அரிதான ஐசாக் தம்பையா நன்கொடை கொடுத்த இலக்கியம், சமயம், மொழியியல் தத்துவம் தொடர்பாக சுமார் 6000 நூல்களும், இந்திய வர்த்தகர் ஒருவரால் கொடுக்கப்பட்ட மகாத்மா காந்தியின் சத்தியசோதனை, 1672 ஆம் ஆண்டில் பிலிப்பஸ் பால்டியார் என்பவர் எழுதிய டச்சு ஆட்சியில் இலங்கை என்னும் நூல், 1660 ஆம் ஆண்டில் கண்டி மன்னரால் சிறைபிடிக்கப்பட்டவேளை றொபேட் நொக்ஸ் என்பவர் எழுதிய இலங்கையராவார் என்னும் நூல் ஆகியவை அழிந்தன.

1585 ஆம் ஆண்டில் கத்தோலிக்க மதத்தலைவர்களால் தமிழில் எழுதப்பட்ட நூல், சேர் பொன்னம்பலம் இராமநாதன் எழுதிய பகவத்கீதை விளக்கம், சித்தாந்தம், செந்தமிழ் இலக்கிய நூல்கள், திருமதி இராமநாதன் அம்மையார் எழுதிய இராமாயாண மொழிபெயர்ப்பு, மகாகவி பாரதியாரின் நண்பரான நெல்லையப்பன் எழுதிய நூல்கள், கடலைக்குடி நடேச சாஸ்திரியார் எழுதிய சோதிட சாஸ்திர நூல்கள், வானசாஸ்த்திரம் சம்பந்தமான நூல்கள், சித்தவைத்திய வாசகங்கள் அடங்கலான ஏட்டுச்சுவடிகள் ஆகியவை அழிந்தன.

மேலும், முத்துத்தம்பிபிள்ளை ஏழுதிய அபிதானகோசம், சிங்காரவேலு முதலியார் எழுதிய அபிதான சிந்தாமணி, முதலியார் இராசநாயகம் எழுதிய புராதன யாழ்ப்பாணம், சுவாமி ஞானப்பிரகாசம், முத்துத்தம்பிபிள்ளை எழுதிய யாழ்ப்பாணம் பற்றிய நூல்கள், கல்லடி வேலன் என்று அழைக்கப்பெற்ற கே.வேலுப்பிள்ளை இயற்றிய யாழ்ப்பாண வைபவகௌமுகி, சிற்பக்கலை பற்றிய நூல்கள், தனிநாயக அடிகளார் பதிப்பித்து வெளியிடப்பட்ட"தமிழ் கலாசாரம்" எனும் ஆங்கில சஞ்சிகை, இராசையனார், வன்னியசிங்கம், கதிரவேற்பிள்ளை, ஆனந்தகுமாரசாமி மற்றும் முதலியார் குலசபாநாதன் சேகரித்த நூல்கள், மற்றும் 10 ஆயிரத்திற்கு மேற்பட்ட கையெழுத்து பிரதிகளும் அழிவடைந்தன.

யாழ் நூலகம்

இந்நூலகத்தை இலங்கையில் மட்டுமல்ல இந்தியாவின் தமிழ்நாடு உட்பட பல பாகங்களிலிருந்தும் தேடிச் சென்று பயன்படுத்தியிருந்தனர்.

யாழ் பொது நூலக எரிப்பு தொடர்பில் யாழ் பல்கலைக்கழக முன்னாள் துணைவேந்தர் சிரேஸ்ட பேராசிரியர் என்.சண்முகலிங்கன் பிபிசி தமிழுக்கு தனது கருத்துக்களை பகிர்ந்து கொண்டார்

"காலா ரஜினி சொன்னதைத்தான் தூத்துக்குடி மக்கள் செய்தார்கள்"

யாழ் பொது நூலகம் அழிக்கப்பட்டு 37 ஆண்டுகள் கடந்தாலும்கூட அந்த அழிப்பு நடவடிக்கை மூலம் தமிழ் மக்களின் இதயங்களில் ஏற்படுத்திய வடு இன்னமும் மாறாதது.

தென்னாசியாவின் மிகப் பெரிய அறிவியல் பொக்கிஷமாக போற்றப்பட்ட யாழ்ப்பாண பொது நூலகத்தின் அழிப்பு என்பது மனித நாகரிகத்தின் மோசமான துயரம். 1981ஆம் ஆண்டு மே மாதம் 31 ஆம் தேதி நள்ளிரவில் இந்த கொடுமை நேர்ந்த போது அதனை சென் பற்றிக்ஸ் கல்லூரியின் மாடியில் இருந்து நேரில் பார்த்த தாவீது அடிகளார் அந்த கணத்திலேயே உயிரிழந்தார் என்ற செய்தி ஒன்றே அந்த நூலகத்தின் பெறுமதியை எடுத்துக் காட்டுகின்றது.

யாழ்

நூலகம் எரிக்கப்பட்ட மறுநாள் ஜூன் மாதம் முதலாம் தேதி எனது நண்பன் நுகுமானும் நானும், யாழ் பல்கலைக்கழகத்தில் இருந்து துவிச்சக்கர வண்டியில் அங்கு சென்று பார்த்த போது எரிந்த சாம்பல்கள் ஊடாக நாங்கள் கொண்ட துயரமும் வலியும் இந்த கணம்வரை நெஞ்சுக்குள் வலிக்கின்றதாக உள்ளது.

நாங்கள் நூலகத்திற்குச் சென்ற போது அந்த தீ அணையாமல் இருந்தது. நான் சிறுவர் பகுதியில் படித்த புத்தகங்கள் சிலவற்றை இனங்காணக் கூடியதாக இருந்தது.

நூலகத்திற்குள் கம்பீரமாக நின்ற புத்தக அலமாரிகள் எல்லாம் நிலத்திலே பாட்டமாக வீழ்த்து இருந்தது. நாங்கள் கோவிலாக வழிபட வேண்டிய அந்த கட்டடம் எல்லாம் உடைந்து சீமெந்து துகழ்களாகவும், சாம்பலாகவும் காட்சியளித்தது. அன்று பார்த்த அழிவை வார்த்தைகளால் சொல்ல முடியாது.

அங்கு பகுதியளவில் எரிந்த புத்தக துண்டுகள் சிலவற்றை அடையாளமாக எடுத்துச் சென்று எனது வீட்டில் இருந்து நூலகத்தில் வைத்து பாதுகாத்திருந்தேன்.

பின்னர் யுத்தம் காரமாணக ஏற்பட்ட இடம்பெயர்வின் போது என்னுடைய வீட்டில் இருந்த புத்தகங்களோடு அவையும் அழிவடைந்துவிட்டன.

நூலக பாதிப்பை பார்த்த பின்னர் எனது நண்பர் நுகுமான் ஒரு கவிதையினை எழுதியிருந்தார். அந்த கவிதை எரித்து சாம்பலாக்கப்பட்ட நூலகத்தின் நினைவுகளோடு உள்ளது.

புத்த பெருமான் ஒரு இரவிலே சுடப்பட்டார் என்று ஆரம்பிக்கும் அந்த கவிதை இறுதியில் புத்தரின் சிவில் உடையாளர்கள் பிணத்தை உள்ளே இழுத்துச் சென்றனர். 90 ஆயிரம் புத்தகத்தினால் புத்தரின் மேனியை மூடி மறைத்தனர். சிகாலேகவாத சூத்திரத்தை கொழுத்தி எரித்தனர். புத்தரின் சடலம் அஸ்தியானது. தம்ம பதமும் சாம்பலானது என்று முடிகின்றது அந்த கவிதை. நூலக எரிப்பின் குறியீடாக இந்த கவிதை அமைகின்றது.

இவ்வாறான சம்பவங்கள் இலங்கையில் மட்டும் முதல் தடவையாக நடக்கவில்லை. 1930 ஆம் ஆண்டு ஜெர்மனி பேளின் வீதியில் நூற்றுக்கனக்கான புத்தகங்கள் எரிக்கப்பட்டு வீதிகளில் எல்லாம் சாம்பல் பரவியதாக சொல்லுவார்கள்.

நாசிகளின் இனப்படுகொலைக்கு அவ்வழிப்பு பெரும் எடுத்துக்காட்டு. யாழ் நூலக எரிப்பும் தமிழ் இனப்படுகொலை என்றே கருத வேண்டும்.

வரலாற்றில் இருந்து நாங்கள் பாடம் படிக்க தவறுகின்ற போது மீண்டும் மீண்டும் அந்த தவறான வரலாறு மீட்டப்படும் என்பதற்கு இந்த தேசத்தின் வரலாறு சான்றாக இருக்கின்றது.

இந்த நூலக எரிப்பு மூலம் தென்னாசியாவில் இருந்து தேடி வைத்த பொக்கிஷங்கள் குறிப்பாக ஓலைச் சுவடிகள் 1800 ஆம் ஆண்டுக்கான பத்திரிகை பதிவுகள் அனைத்தும் இல்லாமல் ஆக்கப்பட்டுள்ளன.

யாழ் நூலகம் திறக்கப்பட்டது எப்போது?

இவற்றை அழித்துவிட்டு வெறுமனே கட்டடத்திற்கு வெள்ளை பூசுவதால் அழிந்தவற்றை மீள பெற்றுக்கொள்ள முடியாது.

யாழ் நூலக எரிப்பு நாளை நினைவுகூறுவது என்பது மனித நாகரிகத்திலேயே மோசமான அரசியல் செயற்பாட்டில் இருந்து விடுபடும் புதிய பண்பாட்டினை இந்த தேசத்தின் அரசியலும் மக்களும் விழிப்புக் கொள்ளும் நாளாக கொண்டாட வேண்டும் என்பதுதான் எனது விருப்பம் என்றார்.

"காலா ரஜினி சொன்னதைத்தான் தூத்துக்குடி மக்கள் செய்தார்கள்"

யாழ் பொது நூலக எரிப்பு தொடர்பில் பிபிசி தமிழுக்கு, யாழ் பொது நூலக பிரதான நூலகர் சுகந்தி சதாசிவமூர்த்தி தெரிவித்த கருத்துக்கள் இவை.

யாழ் பொது நூலகத்தில் 31 வருடங்கள் நூலகராகவும், பிரதான நூலகராக கடந்த 4 வருடங்களும் கடமையாற்றுகின்றேன்.

யாழ் பொது நூலகம் 1933ஆம் ஆண்டு முதன் முதலில் மு.செல்லப்பா என்ற தனி நபரால் ஆஸ்பத்திரி வீதியில் ஆரம்பிக்கப்பட்டது. பின்னர் படிப்படியாக வளர்ச்சி அடைந்து தற்போது உள்ள கட்டடத்தில் 1959ஆம் ஆண்டு அப்போதைய யாழ் மாநகர முதல்வர் அல்பிரட் துரையாப்பாவினால் திறந்துவைக்கப்பட்டது.

1981 ஆம் ஆண்டு நூலகம் எரிக்கப்பட்ட போது 97 ஆயிரம் புத்தகங்களும், பழமைவாய்ந்த ஓலைச்சுவடிகளும், தனிநபர்களின் சேமிப்பு புத்தகங்களும் முற்று முழுதாக அழிவடைந்தன.

பின்னர் 2004 ஆம் ஆண்டு மீண்டும் புணரமைக்கப்பட்டு நூலகம் திறந்துவைக்கப்பட்டது. தற்போது ஒரு இலட்சத்தி 8 ஆயிரம் புத்தகங்களும், தனிநபர்களால் அன்பளிப்புச் செய்யப்பட்ட ஓலைச்சுவடிகளும் உள்ளது.

யாழ்

இந்தியா அரசாங்கத்தினால் கடந்த வருடம் 16 ஆயிரம் புத்தகங்கள் அன்பளிப்பு செய்யப்பட்டுள்ளன.

நாளாந்தம் பெருமளாவன வாசகர்கள் இந்த நூலகத்தினை பயன்படுதுகின்றார்கள்.

"காலா ரஜினி சொன்னதைத்தான் தூத்துக்குடி மக்கள் செய்தார்கள்"

நூலக எரிப்பின் நேரடி சாட்சியாளரான யாழ் மாநகர சபையின் முன்னாள் ஆணையாளரும், வடமாகாண சபையின் அவைத் தலைவர் சி.வி.கே.சிவஞானம் யாழ் பொது நூலக எரிப்பு தொடர்பில் பிபிசி தமிழுக்கு தெரிவித்த கருத்துக்கள்,

யாழ்ப்பாண பொது நூலகம் யாழ் மாநகர சபையின் நிர்வாகத்தின் கீழ் 1941 ஆம் ஆண்டில் இருந்து வருகின்றது.

யாழ்

அந் நூலகம் 1981 ஆம் ஆண்டு ஜூன் மாதம் 1 ஆம் திகதி மாவட்ட சபை தேர்தல் கால வன்முறையின் போது எரிக்கப்பட்டது. இலங்கை அரசின் காவல் துறையினரும், அவர்களுடன் இணைந்த கட்டாக்காலிகளும் இணைந்து தமிழ் தேசியத்தின் பொக்கிஷமான நூலகத்தை எரித்தார்கள். இச்சம்பவம் நடைபெற்று 37 வருடங்கள் கடந்துவிட்டன.

அப்போது நடைபெற்ற அராஜகங்களை நேரடியாக நான் பார்த்தவன். அந்த வகையில் நூலக எரிப்பின் நேரடி சாட்சியாக நான் உள்ளேன்.

மாவட்ட சபை தேர்தலுக்காக அன்று யாழில் கூடியிருந்த அமைச்சர்கள் இங்கு ஜக்கிய தேசிய கட்சியின் ஆட்சியை கொண்டுவர வேண்டும் என்ற எண்ணத்தில் இருந்தனர். அந்த தேர்தல் முடிவுகளை மாற்றி அமைக்க வேண்டும் என்ற அவர்களின் செயற்பாட்டை துணிந்து எதிர்த்து நின்ற அரச அதிபர் யோகேந்திரா துரைசுவாமியினால் அவர்களின் சதி முயற்சி முறியடிக்கப்பட்டது.

இதனால் அன்று துரையப்பா விளையாட்டரங்கில் நிலை கொண்டிருந்த காவல்துறையினரும், அவர்களுடன் இணைந்து சிலரும் நூலகத்தை தீக்கிரையாக்கினர்.

நூலகம் எரிக்கப்படும் போது எனக்கு முதலில் திருமதி யோகேந்திரா துரைசுவாமி தகவல் தந்திருந்தார். தகவல் கிடைத்ததும் என்னுடைய வாகனத்தை செலுத்திக் கொண்டு புறப்பட்டேன். வேம்படி சந்தியை அண்மித்த போது பொலிஸார் தடுத்து நிறுத்தினார்கள். மேற்கொண்டு செல்ல வேண்டாம் என்று அச்சுறுத்தினார்கள்.

காவல்துறையின் தடையினை மீறி சப்பல் வீதியை அடைந்த போது அங்கு நின்ற காவல்துறையினர் என்னையும், வாகனத்தையும் சுற்றி நின்று முன்னொக்கிச் செல்லவிடாது தடுத்து நிறுத்தினார்கள்.

இதனையும் மீறி சென்றால் உயிருக்கு ஆபத்து ஏற்படும் என்று அச்சுறுத்தி, துப்பாக்கியின் பிடியால் வாகனத்தின் மீது குத்தி என்னை மேலும் அச்சுறுத்தினார்கள்.

தடுத்து நிறுத்தப்பட்ட நிலையில் சப்பல் வீதியில் நின்று நேசித்து வளர்த்த தமிழ் மக்களின் கலாசார சின்னமாக இருந்த நூலகம் எரிவதை நேரடியாக பார்த்தேன். இந்த வன்முறையை அரசாங்கம்தான் செய்தது என்பதை தெளிவாக தெரிந்து கொண்டேன்.

யாழ்

அன்று 1981 ஜூன் முதலாம் தேதி காலை 5 மணியளவில் எரிந்த நூலகத்திற்கு சென்ற போது அமிர்தலிங்கம் உள்ளிட்டவர்கள் அங்கு நின்றார்கள்.

அங்கு சென்ற பார்த்த போது நூலகத்தில் இருந்து 97 ஆயிரம் புத்தகங்கள் எரிந்து சாம்பலாகி கிடந்தது.ஆனந்தகுமாரசாமியின் பழமைவாயந்த ஏட்டுச் சுவடிகளும் எரிந்து சாம்பலாகிக் கிடந்தது.

நூலக எரிப்பு என்பது கலாசார, கல்வி படுகொலையாகும். இது தமிழ் இனத்தை அச்சுறுத்துகின்ற படுகொலை நிகழ்வாகவே பார்க்கின்றேன்.

மீண்டும் அந்த நூலகத்தை கட்டியெழுப்ப வேண்டும் என்று முயற்சிகள் மேற்கொள்ளப்பட்டன. இதற்காக பல இடங்களில் நிதி சேகரிக்கப்பட்டன.

எரிக்கப்பட்ட நூலகத்தின் முன்பகுதியை நினைவுச் சின்னமாக பேணிக் கொண்டு நூலகத்தின் மேற்குப் பகுதியை புதிதாக நிர்மானித்து 1984 ஆம் ஆண்டு ஜூன் மாதம் 4 ஆம் தேதி பல்வேறு அச்சுறுத்தலுக்கு மத்தியல் புதிதாக நிர்மானிக்கப்பட்ட நூலக பகுதியை அமரர் அமிர்தலிங்கம் ஊடாக நான் திறந்து வைத்திருந்தேன்.

இதன் பின்னர் யுத்தம் காரணமாகவும் நூலகம் மீண்டும் சிதைக்கப்பட்டது. சிதைக்கப்பட்ட நூலகத்தினை புணரமைப்புச் செய்வதற்கு அதன் பின் வந்த அரசாங்கங்கள் முனைப்புக் காட்டியிருந்தன. இதனால் நூலக எரிப்பினை நினைவு கூறும் வகையில் எங்களால் பாதுகாத்து வைக்கப்பட்டிருந்த நூலகத்தின் முன் பகுதி முழுமையாக புணரமைக்கப்பட்டு, நூலக எரிப்பின் சான்றும் அரசாங்கத்தால் திட்டமிட்டு இல்லாமல் செய்யப்பட்டுள்ளது.

புதுப்பிக்கப்பட்ட பின்னர் நவீனத்துவத்துடன் தற்போது இயங்கி வருகின்றது. குறிப்பாக கணினி உட்பட பல்வேறு வசதி வாய்ப்புக்கள் அங்கு உள்ளது. இருந்த போதும் நாங்கள் இழந்த தமிழ் மக்களின் ஓலைச் சுவடிகள் உட்பட பல பொக்கிஷங்களை மீண்டும் பெற்றுக் கொள்ள முடியாத நிலையிலேதான் இருக்கின்றோம்.

இது ஒரு காலத்தினுடைய கலாசார படுகொலையின் சுவடாகவே யாழ் பொது நூலக எரிப்பினை பார்க்கின்றேன் என்றார்.

"காலா ரஜினி சொன்னதைத்தான் தூத்துக்குடி மக்கள் செய்தார்கள்"

யாழ் பொது நூலக எரிப்பு தொடர்பில் பதிப்பாளரும் சிவசேனை அமைப்பின் இலங்கை தலைவர் மறவன்புலவு க.சச்சிதானந்தம் பிபிசி தமிழுக்கு தெரிவித்த கருத்துக்கள்,

யாழ்

யாழ்ப்பாண நூலகத்தை 1981 மே 31 அல்லது ஜூன் முதலாம் தேதி அழிக்க நினைத்தவர்கள் தமிழர்களை வேரோடும் மண்ணின் மரபோடும் அழிக்க நினைத்தவர்கள்.

அவர்களுடைய எண்ணம் நிறைவேறாது. தமிழர்கள் பீனிக்ஸ் பறவையை போன்றவர்கள். அழிவடைந்த சாம்பலில் இருந்து தமிழர்கள் மீண்டெழுவார்கள்.

அன்பும் அறனும் அருளும் என்று பாடிய பெருந்தகைகள் வாழ்ந்த இந்த மண்ணிலே இருந்த இந்த நூலகத்தை எரித்து தமிழ் இனத்தை மண்ணோடு மண்ணாக்கலாம் என்ற கணவு கண்டவர்கள் இன்று அதில் தோற்றுப் போய்விட்டார்கள்.

தமிழர்கள் இன்று நிமிர்ந்து நிற்கின்றார்கள். எந்த அழிவுகளையும் எதிர் கொள்ள தயாராக இருக்கின்றோம் என்றார்.

'; (function() { var dsq = document.createElement('script'); dsq.type = 'text/javascript'; dsq.async = true; dsq.src = '//' + disqus_shortname + '.disqus.com/embed.js'; (document.getElementsByTagName('head')[0] || document.getElementsByTagName('body')[0]).appendChild(dsq); })();