இஸ்ரேல் ஒரு பயங்கரவாத தேசம்- துருக்கி ஜனாதிபதி!! - Yazhpanam

Yazhpanam

Tamil News, Jaffna News, jaffnaradio, thamizh news, jaffna, killinochi, vavuniya, Colombo, Batticaloa, Trincomalee, North, east, west, south, tamilnews, yazhpanam, Jaffna TV, jaffnatv

Home Top Ad

Post Top Ad

Your Ad Spot

Tuesday, May 15, 2018

இஸ்ரேல் ஒரு பயங்கரவாத தேசம்- துருக்கி ஜனாதிபதி!!


இஸ்ரேலின் தாக்குதலில் 58 பலஸ்தீனர்கள் பலி, 2700 பேர் காயம்

ஜெரூசலத்தில் சட்டவிரோதமாக அமெரிக்க தூதரகம் திறக்கப்பட்டமைக்கு எதிர்ப்புத் தெரிவித்து பலஸ்தீனர்கள் நடாத்திய ஆர்ப்பாட்டத்தின் போது இஸ்ரேல் இராணுவத்தினர் மேற்கொண்ட துப்பாக்கிச்சூட்டில் 58 பலஸ்தீனர்கள் கொல்லப்பட்டதுடன் 2700 இற்கும் அதிகமானவர்கள் காயமடைந்துள்ளதாக தெரிவிக்கப்படுகின்றது.

சட்டவிரோதமான முறையில் பல நாடுகளின் எதிர்ப்புக்கு மத்தியில் அமெரிக்க தூதரகத்தை ஜெரூசலத்தில் திறப்பதை கண்டித்து காஸா மற்றும் மேற்குக்கரை எல்லையில் ஆயிரக்கணக்கான பாலஸ்தீனியர்கள் போராட்டத்தில் ஈடுபட்டனர்.

பாலஸ்தீனர்களின் எதிர்ப்புக்கு மத்தியில் சட்டவிரோத இஸ்ரேலின் தலைநகரான ஜெரூசலத்தில் அமெரிக்கா புதிய தூதரகத்தை நேற்று(14) திறந்துள்ளது.
மேலும், டெல் அவிவ் நகரில் உள்ள அமெரிக்க தூதரகம் ஜெரூசலத்துக்கு மாற்றப்படும் என்று டிரம்ப் உறுதியளித்திருந்தார். அவரது இந்த அறிவிப்புக்கு பல நாடுகள் கண்டனம் தெரிவித்தன.
இந்நிலையில், கிழக்கு ஜெருசலேம் நகரில் கட்டப்பட்டுள்ள அமெரிக்க தூதரகம் நேற்று (14) திறக்கப்பட்டது. இந்த திறப்பு விழாவில் இஸ்ரேல் பிரதமர் பெஞ்சமின் நேதன்யாகு, அமெரிக்க ஜனாதிபதி டொனால்ட் டிரம்ப்பின் மகள் இவாங்கா டிரம்ப் மற்றும் டிரம்பின் முக்கிய ஆலோசகரும் மருமகனுமாகிய ஜெரார்ட் குஷ்னர் பலர் பங்கேற்றனர் எனவும் சர்வதேச செய்திகள் தெரிவித்துள்ளன.
02)

இஸ்ரேல் ஓர் இன அழிப்பையே மேற்கொள்கின்றது என துருக்கி ஜனாதிபதி ரஸெப் தையிப் எர்துகான் தெரிவித்துள்ளார்.
இஸ்ரேல் நேற்று மேற்கொண்ட தாக்குதல் குறித்து அவர் வெளியிட்டுள்ள கண்டனச் செய்தியிலேயே இதனைக் குறிப்பிட்டுள்ளார்.
இது ஒரு மனிதப் பேரவலம். இந்த அழிவில் ஈடுபட்டவர்களை நான் சபிக்கின்றேன். அவர்கள் இஸ்ரவேலர்களாகவோ அல்லது அமெரிக்கர்களாகவோ இருக்கலாம்.
எல்லா மதங்களிலும் உள்ள புத்திஜீவிகளை இந்த அநியாயத்துக்கு எதிராக குரல் எழுப்பும்படி நான் வேண்டுகோள் விடுக்கின்றேன் எனவும் அவர் வேண்டுகோள் விடுத்துள்ளார்.
இஸ்ரேல் ஒரு பயங்கரவாத தேசம் எனவும் அந்த அரசு பயங்கரவாதத்தை நடாத்துகின்றது எனவும் துருக்கி ஜனாதிபதி ரஸெப் தையிப் எர்துகான் மேலும் குறிப்பிட்டுள்ளார்.
இஸ்ரேலிலுள்ள தனது தூதரகத்தை இடமாற்றம் செய்வதற்கு அமரிக்கா முன்னெடுத்த நடவடிக்கைக்கு எதிர்ப்புத் தெரிவித்து துருக்கியின் தலைநகர் ஸ்தான்புலில் பல்லாயிரக் கணக்கான மக்கள் வீதியில் இறங்கி எதிர்ப்பு ஆர்ப்பாட்டத்தில் ஈடுபட்டனர்.

No comments:

Post a Comment

இங்கு கூறப்படும் கருத்துக்களுக்கு எவ்வகையிலும் நிர்வாகம் பொறுப்பாகாது,
www.Yazhpanam.com

'; (function() { var dsq = document.createElement('script'); dsq.type = 'text/javascript'; dsq.async = true; dsq.src = '//' + disqus_shortname + '.disqus.com/embed.js'; (document.getElementsByTagName('head')[0] || document.getElementsByTagName('body')[0]).appendChild(dsq); })();
1259X65 - LankaTiles (T)