Headlines News:
    • Jaffna FM and TV

    பிபிசி தமிழ்

    **********

    போரில் மரணித்தவர்களுக்கு அனுராதபுரத்தில் பொது நினைவு தூபி! சிங்கள பேரினவாத அரசின் திசை திருப்பல்!!!

    தமிழினம் தொடர்பான சகல முடிவுகளையும் எதோ ஒரு விதத்தில் தமக்கு சாதகமாக பாவிக்கவே சிங்கள ஆளும் வர்க்கம் முனைகிறது.
    இதன் இன்னொரு வடிவம் தான் அனுராதபுரத்தில் அமையவிருக்கும் பொது நினைவு தூபி.
    யுத்தத்தில் உயிரிழந்தவர்களை நினைவு கூருவதற்கு பொதுவான தூபியொன்றை அமைப்பதற்கும், பொதுவான நினைவு நாளொன்றை பிரகடனப்படுத்துவதற்கும் ஈபிடிபியின் பொது செயலாளர் டக்ளஸ் தேவானந்தா தனது தனிநபர் பிரேரணையில் கோரியிருந்தார்.

    இதன் மீதான விவாதத்தில் அரசாங்கம் சார்பில் பதிலளித்த பாதுகாப்பு இராஜாங்க அமைச்சர் ருவான் விஜயவர்தன , இந்தப் பிரேரணையை ஏற்றுக் கொள்வதில் எமக்கு எந்த ஆட்சேபனையும் இல்லை. குறிப்பிட்டதொரு இனம் சார்ந்ததாக இல்லாமல் யுத்தத்தில் உயிரிழந்த சகலரும் நினைவுகூரப்பட வேண்டும்.இது அமைக்கப்பட வேண்டிய பொதுவான இடமாக அநுராதபுரம் அமைய வேண்டும் என பதிலளித்தார்.

    ருவான் விஜயவர்தனவின் பதிலுக்கு நன்றி கூறி அதை ஏற்றுக்கொண்டார் டக்லஸ்.
    ஆனால் இங்குள்ள கேள்வி என்னவெனில், யுத்த இழப்புகளுக்கும் அனுராதபுரத்துக்கும் என்ன சம்பந்தம்? ஏன் ருவான் அனுராதபுரத்தை தெரிவு செய்தார்? முள்ளிவாய்க்கால் ஏன் தெரிவு செய்யப்பட முடியாது?
    இந்த விடயத்தை அரசு தமக்கு சாதகமாக பயன்படுத்தமுயல்கிறது. யுத்தம் அனைத்து தரப்பு மக்களையும் சரி சமனாக பாதித்தது , தமிழ் மக்கள் மட்டுமல்ல , சிங்கள மக்களும் சரி சமனான இழப்புகளை சந்தித்தனர் என்னும் விசமத்தனமான கருத்தை சர்வதேசத்திற்கு கூற முற்படுகிறது.
    அதுமட்டுமல்ல , யுத்த அழிவுகளை புலிகளும் சிங்கள மக்களுக்கு ஏற்படுத்தினர் என்னும் கருத்துருவாக்கத்தின் வலிமையில் அரசு மீது சுமத்தப்பட்டுள்ள யுத்த குற்ற விசாரணைகளை கூட வலுவிழக்க செய்யமுடியும்.
    இதன் ஒரு திட்டமிடப்பட்ட தெரிவு தான் பொது தூபி அமைக்க அனுராதபுரத்தின் தெரிவு.
    இந்த விடயத்தில் டக்லஸ் தனது ஒப்புதலை தெரிவித்திருப்பது மிகவும் கண்டிக்கத்தக்கது. ஏனைய தமிழ் கட்சிகள் இதில் எத்தகைய நிலைப்பாட்டை கொண்டுள்ளன என தெரியவில்லை.
    ஆனால் இந்த விடயத்தில் அனைத்து தமிழ் கட்சிகளும் கூட்டாக எதிர்ப்பு தெரிவிக்கவேண்டும். ஒட்டு மொத்த அழிவை சந்தித்த தமிழர் பிரதேசங்களை விட அனுராதபுரத்தில் என்ன அழிவு ஏற்பட்டது என்னும் கேள்வியை அவர்கள் அரசிடம் எழுப்ப வேண்டும்.
    அதை விடுத்து , ருவானின் முன்மொழிவுக்கு தலையாட்டினால் எமது இனம் சந்தித்த அழிவுகளை நாமே மூடி மறைப்பது போல ஆகிவிடும்.

    முஸ்லிம் நில ஆக்கிரமிப்புக்கு துணை போகும் போலீசார்! கிழக்கு மக்களே விழிப்படையுங்கள்!

    கிழக்கின் பல பகுதிகளில் இடம்பெற்றுவரும் அத்துமீறிய முஸ்லிம் குடியிருப்புகள் தொடர்பில் தொடர்ச்சியாக நாம் செய்திகளை வழங்கி வருகின்றோம்.
    இந்த அத்துமீறிய நில கையாடல்களின் பின்னணியில் , அரசியல் சக்திகள் மட்டுமன்றி போலிஸ் தரப்பில் உள்ள சிலரும் உடந்தையாக இருந்து வருகின்றனர்.
    இந்த நில ஆக்கிரமிப்புகளின் தொடர்ச்சியாக , மட்டகளப்பில் ஒரு குடும்பம் தமது காணிகளை பறிகொடுத்து நடுத்தெருவுக்கு வந்துள்ளது.
    மட்டக்களப்பு , நான்காம் கட்டை சந்தியில் முப்பத்தைந்து வருடங்களுக்கு அதிகமாக ஒரு தமிழ் குடும்பம் குடியிருந்த காணியை முஸ்லிம் ஆக்கிரமிப்பாளர்கள் தமது கட்டுப்பாட்டில் கொண்டு வந்து அந்த குடும்பத்தை நடுத்தெருவுக்கு துரத்தியுள்ளனர்.

    ஈவிரக்கம் அற்ற இந்த ஈன செயலுக்கு போலீசாரும் உடந்தையாக இருந்துள்ளனர். இந்த காணி தொடர்பில் முஸ்லிம் ஆக்கிரமிப்பாளர்கள் கூறியிருக்கும் கருத்து நகைப்புக்குரியது.
    அதாவது குறித்த காணி தமது பூர்வீக காணி என்று அவர்கள் உரிமை கோரியுள்ளனர். முப்பத்தைந்து வருடங்களுக்கு முன்பாக மட்டகளப்பு போன்ற தமிழர் தாயக பிரதேசத்தில் முஸ்லிம் இனப்பரம்பல் எவ்வாறு இருந்தது என்பது அனைவருக்கும் தெரிந்த உண்மை. இந்த நிலையில் அவர்களுக்கு பூர்வீக காணிகள் இருந்தது என்பது பற்றி கூறியிருக்கும் விடயம் முழுப்பூசணிக்காயை சோற்றில் புதைப்பது போல தான்.
    அங்கு குடியிருந்த தமிழ் குடும்பத்தின் ஏழ்மை நிலையின் பலவீனத்தை பயன்படுத்தியே முஸ்லிம் நில ஆக்கிரமிப்பாளர்கள் இந்த கேவலமான வேலையை அரங்கேற்றியுள்ளனர்.
    இவ்வாறன பல சம்பவங்கள் கிழக்கு மாகாணத்தில் தற்போது நிகழ்ந்து வருகின்றது. இது தொடர்பில் சரியான நடவடிக்கை எடுக்கப்படாத சந்தர்ப்பத்தில் மிகப்பெரும் இழப்பை தமிழர் தரப்பு எதிர்காலங்களில் சந்திக்க நேரிடும்.
    கிழக்கின் தமிழ் அரசியல்வாதிகளே இது தொடர்பில் உரிய கவனம் எடுங்கள்.

    உலகத்தமிழர் பேரவையின் திசைமாறிய பயணம் – அவுஸ்திரேலியாவில் கடும் எதிர்ப்பு!


    தமிழர்களின் குரலாக ஒலிக்கவேண்டிய உலகத்தமிழர் பேரவையானது, சிறிலங்கா அரசின் நிகழ்ச்சி நிரலுக்குள் சென்று, தமிழர்களின் அரசியல் உரிமைகளை பெற்றுக்கொள்வதற்கான போராட்டத்தை நீர்த்துப்போகச் செய்வதாக, அவுஸ்திரேலியாவில் நடைபெற்றுள்ள முக்கிய கூட்டம் ஒன்றில் கடுமையாக குற்றஞ்சாட்டப்பட்டுள்ளது.



    Chandrika-Emmanuel
    ஓநாய்களிடம் ஆடுகளை விலைபேசும் மேய்ப்

    சிட்னியில் கடந்த ஞாயிற்றுக்கிழமை அவுஸ்திரேலிய தமிழர் பேரவையின் பொதுக்கூட்டத்தில், நடைபெற்ற அரசியல் கலந்துரையாடலிலேயே, கடுமையான குற்றஞ்சாட்டுக்கள் அவ்வமைப்பின் உறுப்பினர்களால் முன்வைக்கப்பட்டுள்ளன.
    உலகத்தமிழர் பேரவையானது வண. பிதா இம்மானுவேல் அவர்களின் தலைமையில், சுரேன் என அழைக்கப்படும் பிரித்தானியாவைச் சேர்ந்த இன்னொரு செயற்பாட்டாளர் இணைந்து பொது அமைப்பாக இல்லாமல், தமக்கான நிகழ்ச்சி நிரலை முன்னெடுப்பவர்களாக அண்மைக்காலமாக மாறினர்.
    உலகதமிழர் பேரவை தொடங்கப்பட்டபோது 13 தமிழர் புலம்பெயர்ந்த நாடுகளின் அமைப்புகள் அதன் கிளை அமைப்புகளாக இணைந்திருந்தன. ஆனால் உலகதமிழர் பேரவையின் செயற்பாடுகளால் ஏமாற்றமடைந்த பத்து அமைப்புகள் வெளியேறிவிட, இப்போது அவுஸ்திரேலிய தமிழர் பேரவை, கனேடிய தமிழர் பேரவை, அமெரிக்காவின் யுஎஸ்பக் ஆகியன மட்டுமே தொடர்ந்தும் இணைந்துள்ளன.
    அவுஸ்திரேலிய தமிழர் பேரவையானது தொடங்கப்பட்டபோது, தமிழர்களின் அடிப்படையான அரசியல் உரிமைக்கான கோரிக்கைகளான தாயகம் தேசியம் சுயநிர்ணய உரிமை ஏற்றுக்கொள்ளப்பட்ட தீர்வை வலியுறுத்தி, அதன் இலக்காக கொண்டு பல்வேறு செயற்றிட்டங்களை, வகுத்து செயற்படுவதாகவே அதன் யாப்பில் குறிப்பிடப்பட்டிருந்தது.
    ஆனால் உலகத் தமிழர் பேரவையானது, அக்கோரிக்கைகளை கைவிட்டு சிறிலங்கா அரசுடன் இணைந்து தமிழர்களின் தியாகத்தை கொச்சைப்படுத்தியும், இனப்படுகொலை நடைபெற்றது என்பதை மறைத்தும், சர்வதேச பங்குபற்றலுடனான போர்க்குற்றசாட்டுக்கான கோரிக்கைகளை உள்நாட்டு போர்க்குற்றசாட்டுக்களாக மாற்றுவதற்கும் துணைநின்றமை கடுமையாக விமர்சிக்கப்பட்டது.
    அண்மையில் சிறிலங்கா சென்றடைந்த வண. இம்மானுவேல் அவர்கள் உண்மையான சிறிலங்கா இராணுவத்தின் போர்வீரர்களை கௌரவிக்கவேண்டும் என்றும், ஒரு சிலரே போர்க்குற்றசாட்டுக்களில் ஈடுபட்டனர் என்பதாக தனது பிரத்தியே செய்தியாக ருவிற்றரில் பதிவுசெய்திருந்தார்
    .
    தமிழ் மக்களின் பிரதிநிதியாக செயற்படவேண்டிய வண. இம்மானுவேல் அவர்கள் சிறிலங்கா இராணுவத்தின் இரத்தக்கறை படிந்த வரலாற்றை மறைப்பதாகவும், 200 நாட்களுக்கு மேலாக காணாமல்போன உறவுகளை தேடி, தமிழர் தாயகத்தில் பத்துக்கும் மேற்பட்ட இடங்களில் போராட்டங்கள் நடைபெற்றுக்கொண்டிருக்கின்ற இந்தக்காலப்பகுதியில், அம்மக்களின் பிரதிநிதியாக செயற்படவேண்டிய உலகத் தமிழர் பேரவை இவ்வாறு செயற்படுவதை கவலையுடன் பெரும்பாலோனோர் கண்டித்தனர்.
    கடந்த மூன்று வருடங்களாக சிறிலங்கா அரசுடன் இணைந்து செயற்படுவது போன்ற உலகத்தமிழர் பேரவையின் செயற்பாடுகளால் தமிழர்களின் அணுகுமுறை தோல்வியில் முடிவடைந்த மாதிரியான நிலையே காணப்படுவதாகவும் எனவே அதனை உடனடியாக அத்தகைய அணுகுமுறையை மறுபரிசீலனை செய்யவேண்டும் எனவும் கோரிக்கை முன்வைத்தனர்.
    அவுஸ்திரேலிய தமிழர் பேரவையானது, உலகத்தமிழ் மக்கள் பேரவையின் அங்கமாக செயற்படாமல், அவுஸ்திரேலிய தமிழ் மக்களின் குரலாக ஒலிக்கவேண்டும் எனவும், தாயகமக்களின் போராட்டங்களுக்கான உந்துசக்தியாக அது செயற்படவேண்டும் என்றும், அதுபற்றிய முடிவை அடுத்த 3 மாதத்தில் எடுக்கவேண்டும் எனவும் தமது கோரிக்கையாக பெரும்பாலானவர்கள் முன்வைத்தனர்.
    பொருத்தமான முடிவுகளை விரைந்து எடுப்பதன் மூலம், மீளவும் அவுஸ்திரேலிய தமிழர் பேரவையானது வெளியேறிய உறுப்பினர்களை மீளவும் இணைக்கமுடியும் எனவும், அதன் மூலம் பலமான குரலாக தொடர்ந்தும் செயற்படமுடியும் எனவும் மேலும் அவர்களால் தெரிவிக்கப்பட்டமை குறிப்பிடத்தக்கது.
    இதற்கு பதிலளித்து உரையாற்றிய அவுஸ்திரேலிய தமிழர் பேரவையின் தலைவர் ஜெகநாதன் அவர்கள் அவுஸ்திரேலிய தமிழர் பேரவையின் அங்கத்தவர்களின் கருத்துக்களை விளங்கிக்கொள்வதாகவும் அதற்கான உறுதியான முடிவுகளை விரைந்து எடுப்பதாகவும் அதுபற்றிய விபரங்கள் அங்கத்தவர்களுக்கு தெரியப்படுத்தப்படும் என்றார்.

    ஆதாரம்: பதிவு

    உலகிலேயே பெரிய வாழைமரங்கள் மற்றும் வாழைப்பழங்கள்!!!

    பாப்புவா நியூ கினி என்னும் நாட்டில் உள்ள போசவி கிரேட்டர் என்னும் அடர்ந்த மலைப்பகுதியில் மிகவும் உட்புறமாக உள்ள அடர்ந்த காட்டுப் பகுதியில் உலகிலேயே பெரிய வாழைமரங்கள் காணப்படுகின்றன. இவை காட்டு வாழைகள் வகையைச் சார்ந்தவை.
    உலகிலேயே   பெரிய    வாழைமரங்கள்   மற்றும்    வாழைப்பழங்கள் !
    மலேசியா, இந்தோனேசியா, பிலிப்பைன்ஸ், பாப்புவா நியூ கினியா நாடுகளில் காட்டு வாழைகளைக் காணலாம். இதில் பாப்புவா நியூ கினியா நாட்டில் காணப்படுவதுதான் பெரிய வாழை இனமாகும்.
    மிகவும் அபூர்வ உயிர் இனங்கள் நிறைந்த, போசவி கிரேட்டர் என்னும் இப்பகுதி, ஆராய்சியாளர்களுக்கும் சுற்றுலா பயணிகளுக்கும் அருமையான இடமாகும்.
    பதினைந்து மீட்டர் உயரம் கொண்ட இம்மரம்,  மேல்நோக்கி இருக்கும் இலையோடு இருபது மீட்டர் உயரம் ஆகும். வாழைமரத்தின் அடிப்பகுதி, கிட்டத்தட்ட ஒரு மீட்டர் விட்டம் உடையதாக காணப்படுகிறது.
    உலகிலேயே   பெரிய    வாழைமரங்கள்   மற்றும்    வாழைப்பழங்கள் !
    இந்தவகை வாழை இலைகளைத் தற்காலிகமாகத் தாங்கும் குடிசைகளுக்கு  மேற்கூரையாகப் பயன்படுத்துவார்கள்.
    இந்தவகை காட்டு வாழை மரங்களை ஆங்கிலத்தில், முஸா இன்ஜென்ஸ்  (Musa ingens)  என்று அழைக்கிறார்கள்.
    நம்மை சுற்றி காணக்கூடிய மற்ற வாழை வகைகளில் இருந்து மாறுபடும்  பப்புவாவின் மிகப்பெரிய வாழை மரம், வனப்பகுதியில் மட்டுமே காணப்படும். இப்போது வரை இந்த வாழை இனங்களை உற்பத்தி செய்வது மிகவும் கடினமாக உள்ளது.
    இந்த மரங்கள்,  பழங்களைத் தர நீண்ட காலம் பிடிக்கிறது. மூன்று ஆண்டுகள் முதல் ஐந்து ஆண்டுகள் வரை தேவைப்படுகின்றது. அதனால் இந்த காட்டு வாழைப் பழங்கள் மிகவும் அபூர்வமாகக் கருதப்படுகின்றன.
    அடர்ந்த காட்டுப்பகுதியில், பழங்களைக் கண்டுபிடிக்கவும் கடினமாக இருக்கிறது. பறவைகள் விலங்குகள் உண்டது போக மீதியே மனிதனுக்குக் கிழடக்கின்றது. 
    உலகிலேயே   பெரிய    வாழைமரங்கள்   மற்றும்    வாழைப்பழங்கள் !
    ஆகவே இந்த உலகிலேயே மிகப்பெரிய பழங்களைத் தரும், உலகிலேயே பெரிய வாழை மரமானது, வாழைப்பழ பிரியர்களுக்கு மிகவும் அபூர்வமான ஒன்றாக விளங்குகிறது .
    உலகிலேயே   பெரிய    வாழைமரங்கள்   மற்றும்    வாழைப்பழங்கள் !
     இந்த விந்தையான காட்டு வாழை மட்டுமல்லாது விந்தையான தாவரங்கள், அபூர்வ விலங்குகள், விந்தையான பழங்குடியினத்தவர் கலாச்சாரம், நெஞ்சை நிறைவிக்கும் இயற்கை அழகு, என்று, சுற்றுலா பயணிகளுக்கும் ஆராய்ச்சியாளர்களுக்கும் சொர்க்கமாக,  பாப்புவா நியூ கினி நாட்டின்  போசவி கிரேட்டர்   திகழ்வது இங்கே குறிப்பிடத்தக்கதாகும்.

    எங்களுக்கு அடிமையாக வாழுங்கள் என்பதே சிங்களத்தின் சித்தார்ந்தம்: வடமாகாண முதலமைச்சர் சி.வி.விக்னேஸ்வரன்

    war in srilanka 2
    war-crime-1
    war in srilanka
    WAR Priest1
    vigneswaran
    தமிழர்களே வெளியேறுங்கள்; அல்லது எங்களுக்கு அடிமையாக வாழுங்கள் என்பதே சிங்களத்தின் சித்தார்ந்தம் என வடமாகாண முதலமைச்சர் சி.வி.விக்னேஸ்வரன் தெரிவித்துள்ளார்.
    நீங்கள் சிங்கள அரசியல் மற்றும் மத ரீதியான தலைமைகளுடன் பலதையும் பேசி வருகின்றீர்கள். சில நேரங்களில் அவர்களைச் சினம் ஊட்டும் வண்ணமும் கருத்துக்ளை வெளியிட்டு வருகின்றீர்கள்.இதனால் தர இருப்பதையும் சிங்கள அரசியல் தலைவர்கள் தராது விட்டு விடுவார்களோ என்ற ஒரு பயம் தமிழ் அரசியல் தலைமைகளிடம் காணப்படுகிறது. இது பற்றி உங்கள் கருத்து என்ன? எனும் கேள்விக்கு பதிலளிக்கையிலையே மேற்கண்டவாறு தெரிவித்துள்ளார்.
    மேலும் அவர் தெரிவிக்கையில்,
    சிங்களத் தலைவர்கள் உங்களுக்குத் தர இருக்கின்றார்கள் என்று யார் உங்களுக்குச் சொன்னது? அத்துடன் எமக்கு சட்டப்படி தரவேண்டிய உரித்துக்களை எம்மிடம் இருந்து பறித்தெடுத்து வைத்துக் கொண்டு “அதைத் தருவோம், இதைத் தருவோம்”, “இன்னொன்றைத் தரமாட்டோம்” என்று அவர்கள் பேரம் பேசுவதன் பின்னணி என்ன?
    ஒன்றை நாம் தெளிவாகப் புரிந்து வைத்திருக்க வேண்டும். அதனை அண்மையில் இங்கு வந்த ஐ.நா அலுவலர் பப்லோ டி கிறீவ் அறிந்து வைத்திருக்கும் அளவிற்கு எமது மக்கட் தலைவர்கள் அறிந்து வைக்க வில்லையே என்பது மனவருத்தத்தைத் தருகின்றது.
    அதாவது சிங்கள அரசியல், மத தலைவர்களுக்கு அதிகாரங்களைத் தமிழர்களுடன் பகிர்ந்து கொள்ள எள்ளளவும் விருப்பமில்லை என்பதே அது.
    விரும்பம் இருந்திருந்தால் தாம் இதுவரை தருவதாக உலக அரங்கில் கூறியவற்றையேனும் தந்திருப்பார்கள்.
    உதாரணத்திற்கு போர் முடிந்து எட்டு வருடமாகியும் பயங்கரவாதத் தடைச்சட்டம் கைவாங்கப்படவில்லை. இதையே செய்யாதவர்கள் எதைத் தருவார்கள் என்று எதிர்பார்க்கின்றீர்கள்? அவ்வாறு தருவதாக இருந்தாலும் அவற்றிலிருந்து சில காலத்தினுள் அவர்கள் கழன்று விடுவார்கள்.
    பண்டா – செல்வா மற்றும் டட்லி செல்வா உடன்படிக்கைகளுக்கு நடந்ததே மீண்டும் நடைபெறும். 18 வருடங்களின் பின்னர் வட – கிழக்குப் பிணைப்புக்கு நடந்ததே காலந் தாழ்ந்தேனும் நடைபெறும்.
    இவர்கள் தரமாட்டார்கள் என்று என்ன அடிப்படையில் கூறுகின்றீர்கள் என்று நீங்கள் கேட்கலாம்.
    அது தான் எம்முடைய இன முரண்பாட்டுக்கான அடிப்படைக் காரணம். சிங்கள அரசியல் தலைவர்கள் ஏதோ விதத்தில் ஆங்கிலேயரிடம் இருந்து பெற்றுக் கொண்ட அரசியல் அதிகாரத்தை எந்த விதத்திலுந் தாம் விட்டுக்கொடுக்கக்கூடாது என்று எண்ணிக் கொண்டிருப்பது தான் எமது இன முரண்பாட்டுக்குக் காரணம்.
    பொய் பேசி, புருடா விட்டு, நைசாக ஐஸ் வைத்து பெற்றுக் கொண்ட அரசியல் அதிகாரத்தைப் பகிர்ந்து கொண்டால் சிங்கள பௌத்த இனமே அழிந்து போய்விடும் என்ற ஒரு பிரமை சிங்கள அரசியல் தலைமைகளை ஆட்டிப்படைத்துக் கொண்டிருக்கின்றது.
    அதனால் அவர்கள் எப்படியும் முழு நாட்டினதும் அதிகாரத்தைத் தம் கைப்பிடிக்குள் வைத்திருக்கவே பார்ப்பார்கள். சட்டப்படி கூடி வாழ்ந்து கொண்டிருக்கும் ஒவ்வொரு இன, மத, மொழி அலகுந் தம்மைத் தாமே ஆள்வதே சிறந்தது.
    அவ்வாறு ஆண்டுகொண்டு, முழு நாட்டையும் ஒரே நாடாகக் கணித்துக் கொண்டு, அதற்குரிய ஆட்சியையும் நிலை நாட்டலாம். ஆனால் அதற்கு இடமளிக்க சிங்கள பௌத்தர்களுக்குப் பிரியமில்லை.
    அவர்கள் கூறும் காரணம் என்னவென்றால் இந்த நாடு மட்டுமே தமக்குண்டு என்றும், தமிழர்களுக்குத் தமிழ் நாடு உண்டு என்பதாகும். தமிழர்களுக்குத் தமிழ் நாடு உண்டு என்பதால் சிங்கள மொழி நடைமுறைக்கு வரமுதல் இங்கிருந்த திராவிடரின் வழித்தோன்றல்கள் தென்னிந்தியாவிற்குப் போய் விடவேண்டும் என்று அவர்கள் எதிர்பார்க்கின்றார்களா அல்லது இங்கு இருப்பதானால் தம்முடைய கட்டுப்பாட்டுக்குக் கீழ் தாம் எதிர்பார்ப்பது போல் இருக்க வேண்டும் என்று எதிர்பார்க்கின்றார்களா?
    ஆக மொத்தம் “தமிழர்களே வெளியேறுங்கள்! இல்லையேல் எமக்கு அடிமைகளாக வாழுங்கள்” என்பதே அவர்களின் அரசியல் சித்தாந்தமாகத் தோன்றுகின்றது.
    ஆனால் அதனை வெளிவிடாமல் மிக நாகரீகமாக “அது தருவோம், இது தருவோம்” என்று எம்மை அலைக்கழித்துக் கொண்டு இருக்கின்றார்கள்.
    இந்த நிலையில் அவர்கள் எதைத் தரப்போகின்றார்கள் என்பதை நாம் சிந்தித்துப் பார்க்க வேண்டும். தமது முழுக்கட்டுப்பாட்டை மீறிய, சட்டப்படி ஏற்றுக் கொள்ளக்கூடிய அல்லது சட்டத்தால் எதிர்பார்க்கக்கூடிய அதிகாரப் பரவலாக்கம் எதனையும் அவர்கள் தரப்போவதில்லை. பின் எதற்காக அவர்களுக்கு “ஆமா” போட வேண்டும்? சரியோ பிழையோ தரக்கூடியதைத் தாருங்கள் என்று தானே எமது அரசியல் தலைமைகள் கேட்கின்றார்கள்.
    தேர்தல் விஞ்ஞாபனங்களைத் தயாரிக்கும் போது எமக்கு எது வேண்டும் என்று முற்றாக அறிந்து வைத்திருக்கும் நாங்கள் தேர்ந்தெடுக்கப்பட்டதும் இன்னொருவரின் நல்லெண்ணத்தை நாடி நிற்கின்றோம். ஏதோ கிடைக்கும் என்ற நப்பாசை! அவை கிடையாதென்பதே எனது கருத்து. அதாவது நாம் எமக்கு எது வேண்டும் என்று தேர்தல் விஞ்ஞாபனங்களில் உள்ளடக்கினோமோ அவை என்றும் கிடையாது என்பதே எனது வாதம்.
    அதற்காக அவர்கள் சாப்பிடும் வாழையிலையில் இருந்து தவறி விழும் உணவுப் பருக்கைகளை பெற்றுக் கொண்டு அதைச் சாப்பிட்டு உயிர் வாழ்வோம் என்பது மடமை. காலக்கிரமத்தில் பருக்கைகள் கூட பாதியில் நிறுத்தப்பட்டு விடுவன.
    ஆகவே நாம் எமது உரிமைகளுக்காகப் போராட வேண்டும். “மயிலே தா” என்றால் மனமுவந்து மயிலானது இறகைத் தராது. உரிமைகளை நாம் பெற முயற்சிக்கும் போது சிங்களத் தலைவர்கள் என்ன நினைக்கின்றார்களோ என்று நாம் நினைத்துக் கவலைப்படுவது எமது கையாலாகாத தனத்தையே வெளிப்படுத்துகின்றது.
    எவ்வாறு போராடப்போகின்றீர்கள் என்பதே உங்கள் அடுத்த கேள்வியாக இருக்கும். முதலாவது தமிழர்கள் ஒன்றுபட வேண்டும். எவ்வாறு சுனாமியின் போது விடுதலைப் புலிகளும் இராணுவத்தினரும் ஒரு சில நாட்களுக்கு ஒன்று சேர்ந்து சேவை புரிந்தார்களோ, அதே போல், வட கிழக்கு மாகாணங்களில் எமது இனத்தின் தொடர்ந்த குடியிருப்பே சந்தேகத்திற்கு உட்படும் போது, நாம் விழித்துக் கொண்டு ஒன்று பட முன்வர வேண்டும்.
    வடக்கு, கிழக்கு, மலையகம், கொழும்பு, மற்றைய தெற்கத்தைய மாவட்டங்கள் போன்ற பலவற்றிலும் பரந்து வாழும் தமிழ்ப் பேசும் மக்கள் ஒன்று சேர வேண்டும். அவர்களின் சிந்தனையில் ஒற்றுமை மலர வேண்டும். இது சிங்கள மக்களுக்கு எதிரான சிந்தனை அல்ல. தமிழ் மக்களுக்குச் சார்பான சிந்தனையே.
    அடுத்து எமது புலம்பெயர்ந்த தமிழ் மக்கள் எம்முடன் கூட்டுறவு வைத்துக் கொள்ள வேண்டும். மூன்றாவதாக தென்னிந்திய தமிழ்ச் சகோதர சகோதரிகள் எம்முடன் உறவு வைத்திருக்க வேண்டும். எவ்வாறு பரந்து வாழும் யூதர்கள் ஒரு கொடிக் கீழ் கொண்டுவரப்பட்டார்களோ அதே போல் நாமும் ஒருங்கிணைய வேண்டும். ஒருங்கிணைந்தால் உலக அரங்கில் நாம் முன்வைக்கப்போகும் கருத்துக்கள் சர்வதேச சமூகத்தால் ஏற்றுக் கொள்ளப்பட்டேயாக வேண்டும். அடுத்து இதுவரை காலமும் சரித்திரத்தை பிறழ்வாக மாற்றிக்கூறி வந்த சிங்கள பௌத்தர்களின் பொய்மை அம்பலப்படுத்தப்பட வேண்டும்.
    உண்மையை சிங்கள மக்கட் தலைவர்களுக்கு உணரவைக்க வேண்டும். உதாரணத்திற்கு சிங்கள மொழி நடைமுறைக்கு வரமுன் இங்கு திராவிடர்கள் வாழ்ந்து வந்ததையும் வடக்கு, கிழக்கில் வாழ்ந்த அப்போதைய பௌத்தர்கள் தமிழர்களே என்பதையும் இன்று வடக்கு கிழக்கில் இருக்கும் பௌத்த எச்சங்கள் தமிழ் பௌத்தர்களால் விடப்பட்டனவே யொழிய அங்கு சிங்களவர் பெருவாரியாக எந்தக் காலகட்டத்திலும் வாழவில்லை என்பதையும் எடுத்துக் கூற வேண்டும்.
    <சர்வதேச நெருக்குதல்கள் கூர்மையிடைய வேண்டும். சர்வதேச சட்டத்தின் கீழ் எமக்கிருக்கும் உரித்துக்களைப் பெற நாம் முயற்சிகள் எடுக்க வேண்டும்.
    அதே நேரத்தில் எமக்குச் சார்பான சிங்கள சகோதர சகோதரிகளுடன் சேர்ந்து சிங்கள அரசியல் தலைவர்களின் மனதில் மாற்றத்தைக் கொண்டு வர நாம் முயற்சிக்க வேண்டும். எமக்கு சுயாட்சி வழங்குவதால் அவர்களுக்கு நன்மையேயன்றி தீமை எதுவும் நேராது என்பதை அவர்களுக்கு எடுத்துக் கூற வேண்டும்.
    இவை எல்லாவற்றிற்கும் அடிப்படையாக நாம் எமது அகந்தையையும் ஆணவத்தையும் மூட்டை கட்டி வைத்து விட்டு தமிழ் இனத்திற்காகக் கூட்டுச் சேர்ந்து உழைக்க முன்வர வேண்டும்.
    படிக்காத ஒரு சிங்களத் துப்பாக்கி வீரனுக்கு நாங்கள் மதிப்பும் மரியாதையும் பயபக்தியும் காட்டுகின்றோம். படித்த அன்புள்ள எமது சகோதரர்கள் என்று வந்தவுடன் நாம் அங்கு போட்டி, பொறாமை போன்றவற்றையே காட்டுகின்றோம். ஒருங்கிணைந்து வாழ்வது என்பது தமிழ் பேசும் மக்களுக்கு ஒரு பாரிய பிரச்சனையாக உருவெடுத்துள்ளது.
    முக்கியமாக உயர் குலத்தவர்கள் என்று தம்மை வர்ணிப்பவர்கள் மத்தியில் சிந்தனை மாற்றம் ஏற்பட வேண்டும். யாவரையுஞ் சகோதரர்களாக ஏற்கும் மனோபாவம் பிறக்க வேண்டும்.
    தற்போது நாம் எமது மதிப்புள்ள மக்களை வெளிநாடுகளுக்குப் பறிகொடுத்து விட்டே தமிழர் உரிமைகளுக்காகப் போராடுகின்றோம். எமது கல்வி நிலை சரிந்து வருகின்றது.
    தொழில்களில் பாண்டித்தியம் பெற்றோர் தொகை குறைந்து வருகின்றது. வெளியில் இருந்து வருவோரை இங்கு குடியமர்த்தி அரசாங்கம் அவர்களுக்கு எங்கள் காணிகளைப் பகிர்ந்தளித்து வருகின்றது.
    நாம் எங்கே சென்று கொண்டிருக்கின்றோம்? எமது தற்போதைய நிலை என்ன என்று நாங்கள் ஒருமித்துச் சிந்திக்கத் தொடங்கினால் ஒற்றுமையின் அவசியம் பற்றி ஓரளவு நாங்கள் புரிந்து கொள்வோம்.
    முடியும் என்று நாம் நினைத்தால் முடியாதது ஒன்றில்லை. ஒற்றுமைப்படுவது அவ்வளவு சிரமமல்ல. எமது அடிப்படைகளிலாவது நாம் ஒற்றுமைப்பட வேண்டும். ஆனவே எனது வேண்டுகோள் சிங்கள அரசியல், மதத் தலைவர்கள் என்ன தருவார்கள் என்று யோசிக்காதீர்கள். உங்களுக்கு வேண்டியதை ஒன்றுபட்டுக் கேளுங்கள். ஒரே குரலில் கேளுங்கள். என மேலும் தெரிவித்தார்.
    இந்த செய்தியை "பதிவு" ஊடாகத்தில் இருந்து எடுக்கப்பட்டது 
    புலம்பெயர்ந்த தமிழ் மக்களின் ஊடகம். 

    சிங்களத்துக்கு தமிழர் காணியை கொடுக்க சம்மதித்த தமிழரசுக்கட்சி சுமந்திரனையும், ரெலோ அடைக்கலநாதனையும்விலக வேண்டும்!

    Chelva-Protest-1
     

    1960 களில் ஆண்டில் தமிழர்களின் தாயக பூமியை சிங்களவர்கள் ஆக்கிரமிப்பு தொடர்ந்து கொண்டிருப்பதை தடுப்பதற்கு சமஷ்டி தீர்வினை வலியுறுத்தி யாழ்ப்பாணத்தில் சத்தியாக்கிரகம் இருந்த தமிழ் தலைவர்கள்.

    ____________________________________
    with GG Ponnambalam and Chelvanayagam 1124 tc
    தந்தை செல்வா கிழக்கு மாகாணத்தினை சிங்களவர்கள் பறிப்பதனால் தான் கூட்டாட்சி என்ற அரசியல் தீர்வைக் (சமஷ்டி) கேட்டார். அவரின் 61 வருட போராட்டத்தில் கூட்டாட்சி கிடைக்கவில்லை என்பதால், தமிழீழம் தான் எம்மை சுதந்திரமாகவும், பாதுகாப்பாகவும் வாழவிடும் என்பதால், தமிழீழம் தான் எமது தேவை என்று ஜீ.ஜீ. பொன்னம்பலம், எம். திருச்செல்வம், தந்தை செல்வா எடுத்த முடிவான முடிவு.
    _____________________
    UNPSumanthiran
    உயிரை கொல்வது மட்டுமல்ல ஒரு இனத்தின் நிலத்தை அபகரிப்பதும் இனப்படுகொலையின் ஒரு கூறே.

    சிங்கள ஐ. தே. கட்சியில் அங்கத்தவர் அட்டையை காவும் சுமந்திரன் கடந்த சனி அன்று வவுனியாவில் தமிழ் கிராமத்தினை உத்தியோக பூர்வமாக சிங்களவர்களுக்கு காணி உறுதிப்பத்திரங்களை கொடுக்கும் வைபவத்தில் செல்வம் அடைக்கலநாதனுடன் இருந்துகொண்டு ரணிலுக்கும் சிறிசேனாவுக்கும் கைதட்டி ஆதரித்துக் கொண்டிருந்தார்கள்.

    தமிழரசுக்கட்சி தமது கட்சி கொள்கைகளை மீறியதாக அனந்தி மற்றும் சிவகரன் ஆகியயோரை கட்சியின் அடிப்படை உறுப்பினர்கள் இருந்து நீக்கி தண்டனை கொடுத்தது போல ஏன் சுமந்திரனை அடிப்படை உறுப்பினரில் இருந்து நீக்க கூடாது.
    தந்தை செல்வாவின் 61 வருட போராட்டத்தினை இழிவு படுத்தும் சுமந்திரனை கட்சியில் இருந்து விலக்க வேண்டும். அவரது எம். பி பதவியையும் பறிக்க வேண்டும்.
    சுமந்திரன் தந்தை செல்வா மட்டுமல்ல, ஏனைய கடந்த கால தமிழ்த் தலைவர்களயும் ஏன் தமிழ் மக்களையும் முட்டாள்கள் என்று நினைப்பவர்.
    இவர் தமிழ் அரசியலில் இருப்பதற்கு தகுதியற்றவர். இவர் ஐ.தே. கட்சிக்காரன், ஏமாற்றுப் பேர் வழி, பல பொய்கள் கூறுபவர், ஒரு சிங்கள கூலி, சிங்கள நபர்.
    ----------------------------
    DeedGiviong
    செல்வம் அடைக்கலநாதன், தமிழ் இனத்துக்கு ஒரு கேடு. இவர் செய்த வர்த்தகங்கள் தமிழ் இனத்தினை அழித்தது. இவர் ஒரு அரசியல் தெரியாத ஒரு மனித பிராணி. சிங்களத்தினை குறை கூறி கதைத்தால் பிரதி தவிசாளர் பதவி பறி போய்விடும் என்ற பயம் கொண்டவர்.
    தமிழ் இனத்திற்காக தம்மை அர்ப்பணித்த குட்டிமணி, தங்கத்துரை போன்ற முன்னணித் தலைவர்கள் இருந்த ரெலோவிற்கு செல்வம் அடைக்கலநாதன் போன்றவர்களால் அவமானமே. ரெலோ தமிழ் அரசியலில் தொடர்ந்து ஓர் அங்கமாக இருக்க வேண்டும் என்றால், செல்வம் அடைக்கலநாதனை கட்சியில் இருந்து அகற்ற வேண்டும்.
    தமிழ் மக்களுக்காக பேச வேண்டிய தமிழ் பிரதிநிதிகள் சுமந்திரன், செல்வம் அடைக்கலநாதன், விஜயகலா மகேஸ்வரன் போன்றோர் அரசோடு கூடி நின்று தமிழ் மக்கள் வாயை மூட செய்து தமிழர் நிலத்தை பிடுங்க துணை நிற்கும் கொடுமையை தமிழ் மக்கள் வன்மையாக கண்டிப்பதோடு இது போன்ற தமிழர் நிலஅபகரிப்பை தடுத்து நிறுத்த குரல் கொடுக்க வேண்டும்.
    இந்த இரண்டு கட்சிகளும் ஒரு முடிவு எடுக்காமல் இருந்தால் தமிழ் மக்கள் தான் இவர்களை ராஜினாமா பண்ணும்படி ஆர்ப்பாட்டங்களை தொடங்க வேண்டும்
    நன்றி 
    புவி, அளவெட்டி நிருபர் 
    புலம்பெயர்ந்த தமிழ் மக்களின் ஊடகம். 

    5 பேரின் உயிரைக் கொன்று சுவிஸ்லாந்துக்கு ஓடி தப்பிய கொலையாளிகள்!!!


    


நம்பிக்கைத் துரோகத்தால் பல இராட்சியங்கள் வீழ்ந்த வரலாறு பல உண்டு. நம்ம இனமே நம்பிக்கைத் துரோகத்தாலேயே இந்த நிலையில் உள்ளது.  நம்பிக்கை வைத்துப் பழகும்  அயலவர்களும் அறிந்தவர்களும் நண்பர்களும் செய்த துரோகத்தால் தமிழ் இனம் முள்ளி வாய்கால் கொலைக்களம் வரை சென்று வந்த வரலாறு யாவரும் அறிந்ததே.



    கிட்டு உட்பட பலர் கப்பலுடன் கடலுகுள் தற்கொலை செய்ததும் நம்பிக்கைத் துரோகத்தாலும் காட்டிக் கொடுப்பாலுமே. அந்த கிட்டுவுக்கு அஞ்சலி செலுத்துவதற்காக அமைக்கப்பட்ட கிட்டு பூங்காவுக்கு சற்றுத் தொலைவில் வாழ்ந்து வந்த ரமணன் தனது மகனையும் அவனது குடும்பத்தையும் இன்னொரு நம்பிக்கைத் துரோகச் செயலால் இழந்த  சம்பவம் யாழ்ப்பாணத்தில் பெரும் பரபரப்பையும் ஏற்படுத்தியுள்ளது.

    

நகைப் பட்டறை வைத்து நகைகள் செய்யும் கிருசாந் தனது நண்பன் என நினைத்து ஒருவனுக்கு கொடுத்த பணத்தால் தற்போது அந்தக் குடும்பமே வேருடன் அழிக்கப்பட்டு விட்டது. கிருசாந்தனின் தந்தையான ரமணனும் கிருசாந்திடம் பணத்தை வாங்கி ஏமாற்றிய சிறி என்பவனது தந்தையும் தொழில் நண்பகள் எனவும் தெரியவருகின்றது.  கிருசாந்தனும் தொழில் ரீதியிலேயே தனது தந்தையின் நண்பனாக இருந்த மகனான சிநி நட்பாயிருந்தான் எனத் தெரியவருகின்றது.

    

கிருசாந்தின் 3 சகோதரிகள் என அயலவர்கள் தெரிவிக்கின்றார்கள். 3 சகோதரிகளும் திருமணம் முடித்தவர்கள் என்பதும் அவர்களில் இருவர் புலம்பெயர் நாட்டில் வாழ்கின்றார்கள் எனவும் அயலவர்கள் தெரிவிக்கின்றனர்.






    கிருசாந்தின் மனைவி சுனேந்திரா சாவகச்சேரி சொந்த இடமாக் கொண்டவர். 

கிருசாந்தும் சுனேந்திராவும் காதலித்து திருமணம் செய்துள்ளனர். இவர்கள் இருவரும் அரியாலை மாம்பழம் சந்தியிலிருந்து அரியாலை செல்லும் வீதியில் ஒரு ஒழுங்கையில் இவர்கள் தனி வீடு எடுத்து வாழ்ந்து வந்துள்ளார்கள்.

    இவர்கள் அப்பகுதியில் இருப்பவர்களுடன் எந்தவித முரண்பாடோ அல்லது தொடர்புகளோ இல்லாது அமைதியாக வாழ்ந்து வந்ததாக தெரியவருகின்றது. 

பிஞ்சுக் குழந்தைகளுடன் இவர்களைக் குடும்பமாக கருக்கியவர்கள் யார்...
    நடந்தது என்ன?


கிருசாந்தின் போலி நண்பனான சிறி தனது தம்பியான சிவசங்கரை வெளிநாடு அனுப்புவதற்காக பணம் தேவைப்படுகின்றது. கடனாக பணம் யாரிடமாவது வாங்கித் தர முடியுமா? எனக் கேட்டுள்ளான். அதற்கு மறு்பபுத் தெரிவிக்காத கிருசாந்த தனது பணத்தையும் கொடுத்து வட்டிக்கு இன்னொருவனிடத்திலும் பணம் பெற்று  பகுதி பகுதியாக  ஒரு கோடி ரூபா அளவில் கொடுத்தாதாக தெரியவருகின்றது.
    தனது நண்பன்தானே என நினைத்து பொறுப்பேதும் இல்லாமல் அவர்களிடம் இருந்து கொடுத்த கடனுக்காக காசோலை  எழுதி வாங்கி விட்டு ( சிறி பெயரில் பத்து லட்சம் காசோலையும் தம்பியார் சிவசங்கர் பெயரில் இன்னொரு காசோலையும் )குறித்த பணத்தை கிருசாந்த தனது நண்பனுக்கு கொடுத்துள்ளான்.

    குறித்த பணத்தை பெற்ற சிவசங்கர் அந்தப் பணத்தில் தனது தம்பியை வெளிநாட்டுக்கு அனுப்பி விட்டு தானும் தலைமறைவாகியுள்ளான்.

சிறி தன்னை ஏமாற்றிவிட்டான் என அறிந்த கிருசாந் சிறியின் தம்பியான சிவங்கரின் வீட்டுக்குச் சென்று சிவசங்கரின் மனைவியிடம் இது தொடர்பாக வினாவிய போது சிவசங்கரின் மனைவி மிகக் கேவலமாக சிவசங்கரை ஏசியதாக தெரியவருகின்றது.
    ‘காசை தராவிட்டால் நாங்கள் தற்கொலை செய்வோம் என்று கூறியபோது "நீங்கள் செத்தால்தான் நிம்மதி" என சிவசங்கரின் மனைவி கிருசாந்திற்கு கூறியுள்ளாள்.
    இதனால் விரக்தியும் அதிர்ச்சியுமடைந்த கிருசாந் இது தொடர்பாக சட்டநடவடிக்கை எடுக்க முற்பட்ட போது சிறியின் தம்பியாரின் பெயரிலேயே பெருமளவு பணம் வாங்கியதால் தம்பியார் சுவிஸ் ஓடித் தப்பிவிட்டதால் சரியான ஆதாரங்கள் இல்லாத காரணத்தால் சிவசங்கரிடம் கொடுத்த முழுமையான பணத்தையும் பெற முடியாது போய் விட்டது.
    இதனால் சிவசங்கருக்காக வேறு நபரிடம் இருந்து பெற்ற பணத்தையும் அதற்கான வட்டியையும் கட்டுவதற்கு கிருசாந்தால் முடியாமல் போய் விட்டது. 

கிருசாந்துக்கு வட்டிக்கு பணம் கொடுத்தவர் அது தொடர்பாக கிருசாந்திற்கு அழுத்தம் கொடுத்ததாகவும் தெரியவருகின்றது.
    இதனால் கிருசாந் குடும்பத்துடன் தற்கொலை செய்ய முயன்றுள்ளர். இருப்பினும் அந்த முடிவை மாற்றி தனது நகைப்பட்டறையில் நகைகளை துாய்மையாக்கும் நச்சுப் பதார்த்ததை உண்டு கிருசாந் இரு மாதங்களுக்கு முன் தற்கொலை செய்துள்ளார். 
 

கிருசாந் தற்கொலை செய்ததால் கிருசாந்தின் காதல் மனைவி சுனேந்திரா பெரும் விரக்தி நிலையில் இருந்துள்ளார்.

    அத்துடன் கிருசாந்தின் குழந்தைகளான பிஞ்சுகளும் அப்பா தொடர்பாக தாயை தொடர்ந்து கேள்விகள் கேட்டு வந்ததால் சுனேந்திராவும் தனது பிள்ளைகளுடன் தற்கொலை செய்யும் முடிவுக்கு வந்து கணவன் அருந்திய அதே விசத்தை அருந்தி குழந்தைகளுடன் தற்கொலை செய்துள்ளார்.
    


குறித்த இளம் குடும்பத்தை பிஞ்சுகளுடன் கருக்கியுள்ளது கடன் வாங்கிய நம்பிக்கைத் துரோக நண்பனும் அவனது தம்பி குடும்பமும். தற்போது இவர்கள் சுவிஸ்லாந்தில் நிம்மதியான வாழ்க்கை வாழ்கின்றார்கள்.
    சிறி மற்றும் அவனது தம்பி சிவசங்கர் மற்றும் சிவசங்கரின் மனைவி சுகன்யா ஆகியோர் செய்த துரோகத் தனம் எழுத்தில் வடிக்க முடியாத கொடூரச் செயலாகும். ஒரு குடும்பத்தை கருக்கிய இப் பாவிகளை கண்டால் தாங்கள் செய்த கொடூரச் செயல் என்ன என்பதை உணர்த்தும் வகையில் அவர்களுக்கு பொதுமக்கள் நடவடிக்கை எடுத்தல் வேண்டும். 

தற்போது சிவசங்கர் சுவிசில் வாழ்ந்துவருகின்றார்.


    காசு வாங்கிவிட்டு ஏமாற்றி சுவிஸ்லாந் ஓடிய சிவசங்கரும் அவனது மனைவி சுகன்யாவும்.


    அவன் தொடர்பாக தகவல்கள் அங்குள்ள தமிழர்கள் அறிந்தால் அவனுக்கு தான் செய்த கொடூரம் என்ன என்பதை உணர்த்தும் வகையில் நடவக்கை எடுக்க வேண்டும்.
    இல்லாது போனால் சுவிசிலும் அவன் பலரை இவ்வாறு கொலை செய்யத் தயங்கமாட்டான். 

யாழ்ப்பாணம் உட்பட தற்போது வடக்கு கிழக்குப் பகுதிகளில் இவ்வாறான துரோகத்தனங்களும் ஏமாற்றும் செயற்பாடுகளும் ஏராளமாக நடந்தேறி வருகின்றது.



    அத்துடன் கந்துவட்டி அல்லது மீற்றர் வட்டி என பணம் பறிக்கும் நடவடிக்கைகளும் பெருகி வருகின்றன.

மீற்றர் வட்டிக்கு பணம் வாங்கி விரையம் செய்துவிட்டு பின்னர் அதைக் கட்ட வழியில்லாது காசு கொடுத்தவனைக் கண்டால் பயந்து திரிகின்றவர்களும் ஏராளமானவர்கள் இருக்கின்றார்கள்.


    குடாநாட்டை அதிர்ச்சிக்குள்ளாக்கிய இந்தச் சம்பவத்தைத் தொடர்ந்து செய்திகள் வந்தவண்ணமுள்ளன.

    சக்தி செய்தி

    N1st Tamil

     

    டெங்கு ஒழிப்பு

    டெங்கு ஒழிப்பு

    ?&max-results=6">Index »'); document.write('

    ?&max-results=6">Berita Misteri

    ');
    • ?max-results="+numposts1+"&orderby=published&alt=json-in-script&callback=showrecentposts1\"><\/script>");
    +21
    °
    C
    H: +21°
    L: +10°
    Scarborough
    Thursday, 19 October
    See 7-Day Forecast
    Fri Sat Sun Mon Tue Wed
    +18° +19° +16° +14° +14° +
    + +10° +11° +10° + +
    Copyright © 2017. Yazhpanam - All Rights Reserved | Template By Yazhpanam and Yazhpanam.Net | Modifikasi By TutorNesia Distributed by Radio. | Proudly powered by Blogger