![](https://blogger.googleusercontent.com/img/b/R29vZ2xl/AVvXsEi4qqkt2T_TYeaomerKNTCnX_okCfO9fXxYm51OPrv9ts8rL4rEDNhoXwlkWK7WTz8obo6zLLTERGuu34hw6FVDc3Pk0SEYrwQAd0rMfuLaiUafT01LgsKNsorjj7u3cBlYGszp7irkHG4/s200/Crick-face-app-2.jpg)
![](https://blogger.googleusercontent.com/img/b/R29vZ2xl/AVvXsEjv2e0R60E-al4jRUYMLHOU5NBL3CHB-fbgyEfUkAnRgizrVrHz_oJPgYmrkN7OqmLMNlVhIz93WZmOV6qPm6vv6ReNf3KcnRGsqS7QAwjcNvqW8krzMaqxtTZAshxkKshNkYg__HsB4bg/s320/face+app+Tamil+Heros.png)
ஆனால், பேஸ்ஆப் செயலி பயனர்களின் அனுமதி இல்லாமலே கைபேசியில் உள்ள புகைப்பட லைப்ரரி தரவுகளை எடுக்கிறது என்ற குற்றச்சாட்டு எழுந்துள்ளது.
இவ்வாறான குற்றச்சாட்டு எழுவது இது முதல்முறை அல்ல. இரண்டு ஆண்டுகளுக்கு முன்பு இதேபோல சர்ச்சையில் சிக்கியது பேஸ்ஆப்.
![](https://blogger.googleusercontent.com/img/b/R29vZ2xl/AVvXsEi3QO4kP4mVC_XZpBGz_fUvFCudjbdt3idLO8oP_tRX4XLetCbQSw3Hl-9b5gp7nLRpLFSvE-fKRdEMuYsoBcw1HwBRuGfmO6d_0YSCQNviE1ih5YfAtkPjidFuiMoqFs6Fd1Rx2AiF8vY/s320/face+app+biggboss.png)
2017ம் ஆண்டு இந்த செயலி பயன்பாட்டுக்கு வந்தபோதே, பயனர்களின் தரவுகளை மூன்றாம் நபரிடம் பகிர வழிவகை செய்கிறது இந்த செயலியின் தனியுரிமை கொள்கை (பிரைவஸி பாலிஸி) என அப்போதே பலர் குற்றஞ்சாட்டி இருந்தனர்.
இப்போது இந்த செயலி மேலும் மெருகூட்டப்பட்டுள்ளது. குறிப்பாக முதுமையில் பயனாளிகளின் முகம் எவ்வாறாக இருக்குமென இந்த புதிய பதிப்பில் பார்க்க முடியும்.
ஆனால், செயலியின் அப்டேட் வந்த சில மணி நேரங்களிலேயே, செயலி குறித்த எதிர்மறை விஷயங்களும் பரவத் தொடங்கின.
இந்த செயலி நமது அனுமதி இல்லாமலேயே புகைப்படங்களை எடுக்கிறது என்று சிலர் சமூக ஊடகங்களில் கருத்து தெரிவித்து இருந்தனர்.
இது குறித்து விளக்கும் தொழில்நுட்ப வல்லுநர் செல்வ முரளி, "நாம் ஒரு செயலியை கைபேசியில் ஏற்றும் போது, அவர்கள் சொல்லும் எந்த விதிமுறைகளையும் படிக்காமல் அதற்கு அனுமதி தருகிறோம். நமது தனிப்பட்ட தரவுகளை அவர்கள் பயன்படுத்தி கொள்வது உட்பட பல சிக்கலான நிபந்தனைகளை விதித்து இருப்பார்கள். அதை புரிந்து கொள்ளமல் நாம் அந்த செயலியை தரவேற்றம் செய்கிறோம். அதாவது, நமது தகவல்களை எடுக்க நாமே அனுமதி தருகிறோம். தேவையற்ற செயலிகளை தவிர்ப்பது மூலம் மட்டுமே நமது அந்தரங்க தகவல்களை காக்க முடியும் " என்கிறார் அவர்.
No comments:
Post a Comment
Note: Only a member of this blog may post a comment.